ಕೀಟಗಳು: ಮೊಗ್ಗು ಮತ್ತು ಹಣ್ಣು ಕೊರಕ, ಹಿಟ್ಟು ತಿಗಣೆ, ಶಲ್ಕ ಕೀಟ, ಥ್ರಿಪ್ಸ್ ನುಶಿ, ತೊಗಟೆ ಮತ್ತು ಕಾಂಡ ಕೊರಕ.

ಹತೋಟಿ ವಿಧಾನ:
1. ಹಣ್ಣು ಕೊರಕ: ಹಣ್ಣು ಕೊರಕದ ಬಾಧೆ ಇದ್ದಲ್ಲಿ 4 ಗ್ರಾಂ ಕಾರ್ಬಾರಿಲ್ ಅಥವಾ ಮೆಲಾಥಿಯಾನ್ 2 ಮಿ.ಲೀ./ ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಿ.
2. ಹಿಟ್ಟು ತಿಗಣೆ/ ಶಲ್ಕ ಕೀಟಗಳ ಹತೋಟಿಗೆ 40 ಮಿ.ಲೀ. ಬೇವಿನೆಣ್ಣೆ ಅಥವಾ ಹೊಂಗೆ ಎಣ್ಣೆಯನ್ನು, 5 ಮಿ.ಲೀ. ಸಾಬೂನಿನ ದ್ರಾವಣದೊಂದಿಗೆ ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಿ.
3. ತೊಗಟೆ ಕೊರಕ ಕಂಡು ಬಂದಲ್ಲಿ ಪೂರ್ತಿ ಒಣಗಿದ ಟೊಂಗೆಗಳನ್ನು ಕತ್ತರಿಸಿ ನಾಶ ಪಡಿಸಬೇಕು. ಕೊರೆದ ತೊಗಟೆಯನ್ನು ಕೆರೆದು 2 ಮಿ.ಲೀ. ಕ್ಲೋರ್‍ಪೈರಿಫಾಸ್ 1 ಲೀ. ನೀರಿನಲ್ಲಿ ಬೆರಸಿ ಪೂರ್ತಿ ಭಾಗ ತೊಯ್ಯುವಂತೆ ಸಿಂಪಡಿಸಿ.
4. ಕಾಂಡ ಕೊರಕದ ಬಾಧೆ ನಿಯಂತ್ರಿಸಲು ಕಾಂಡದ ಮೇಲಿನ ರಂಧ್ರಗಳನ್ನು ಗುರುತಿಸಿ 3-4 ಹನಿ ಡೈಕ್ಲೋರ್‍ವಾಸ್‍ನ್ನು ಇಂಕ್‍ಫಿಲ್ಲರ್ ಮುಖಾಂತರ ಹಾಕಿ ರಂಧ್ರವನ್ನು ಹಸಿ ಮಣ್ಣಿನಿಂದ ಮುಚ್ಚಬೇಕು.

ಸಸ್ಯ ಸಂರಕ್ಷಣೆ

ಕೀಟಗಳು :

ಕಾಂಡ ಕೊರೆಯುವ ಹುಳು, ನಿಂಬೆ ಪತಂಗ, ಎಲೆ ಸುರಂಗ, ಎಲೆ ತಿನ್ನುವ ಕೀಟ, ಸಸ್ಯಹೇನು, ಶಲ್ಕ ಕೀಟಗಳು, ಹಿಟ್ಟು ತಿಗಣೆ, ನುಸಿ, ಬಿಳಿನೊಣ ಮತ್ತು ಗೊಣ್ಣೆಹುಳು,

ಹತೋಟಿ ವಿಧಾನ

1.   ಒಣಗಿದ ರೆಂಬೆಗಳನ್ನು ಕತ್ತರಿಸಿ ಗಿಡಗಳಿಗೆ 3 ಗ್ರಾಂ ತಾಮ್ರದ ಆಕ್ಸಿಕ್ಲೋರೈಡ್‌ನ್ನು ಪರತಿ ಲೀಟರ್‌ ನೀರಿನಲ್ಲಿ ಬೆರೆಸಿ ಸಿಂಪಡಿಸಿ.

 

2.   ಗಿಡದಲ್ಲಿ ಹೊಸ ಚಿಗುರು ಬಂದಾಗ 1.5 ಮಿ.ಲೀ. ಮೊನೋಕ್ರೊಟೋಫಾಸ್‌ ಅಥವಾ 2 ಮಿ.ಲೀ. ಪೆಂಥೋಯೇಟ್‌ ಪ್ರತಿ ಲೀಟರ್‌ ನೀರಿನಲ್ಲಿ ಬೆರೆಸಿ ಸಿಂಪಡಿಸುವ್ರದರಿಂದ ಸುರಳಿ ಪೂಚಿ, ಎಲೆ ತಿನ್ನುವ ಕೀಟ, ಸಸ್ಯಹೇನು ಮತ್ತು ಕಾಂಡ ಕೊರೆಯುವ ಹುಳದ ಬಾಧೆಯನ್ನು ತಡೆಗಟ್ಟಬಹುದು.

3.   ಶಲ್ಕ ಕೀಟ, ಹಿಟ್ಟು ತಿಗಣೆ ಮತ್ತು ಬಿಳಿನೊಣದ ನಿಯಂತ್ರಣಕ್ಕಾಗಿ 4 ಗ್ರಾಂ ಕಾರ್ಬರಿಲ್‌ ಶೇ. 50 ಅಥವಾ 2 ಮಿ.ಲೀ. ಕ್ವಿನಾಲ್‌ಫಾಸ್‌ ಶೇ. 25 ಪ್ರತಿ ಲೀಟರ್‌ ನೀರಿನಲ್ಲಿ ಬೆರೆಸಿ ಸಿಂಪರಣೆ ಮಾಡಿರಿ. ಹತ್ತು ದಿನಗಳ ನಂತರ ಇದೇ ಸಿಂಪರಣೇಯನ್ನು ಪುನರಾವರ್ತಿಸಿ.

4.   ಇರೀಯೋಫಿಡ್‌ ನುಶಿಯ ನಿಯಂತ್ರಣಕ್ಕಾಗಿ 2.5 ಮಿ.ಲೀ. ಡೈಕೋಫಾಲನ್ನು ಪ್ರತಿ ಲೀಟರ್‌ ನೀರಿನಲ್ಲಿ ಬೆರೆಸಿ ಸಿಂಪರಣೇ ಮಾಡಿರಿ.

 

5.   ಹಣ್ಣಿನ ಚಿಟ್ಟೆಯ ಹತೋಟಿಗಾಗಿ, 4 ಗ್ರಾಂ ಕಾರ್ಬರಿಲ್‌ ಶೇ. ೫೦ ಅಥವಾ 1.5 ಮಿ.ಲೀ. ಎಂಡೋಸಲ್ಫಾನ್‌ 35 ಇ.ಸಿ. ಯನ್ನು ಪ್ರತಿ ಲೀಟರ್‌ ನೀರಿನಲ್ಲಿ ಬೆರೆಸಿ ಸಿಂಪರಣೆ ಮಾಡಿ.

6.   ಕಾಂಡ ಕೊರೆಯುವ ಹುಳದ ಬಾಧೆಯನ್ನು ತಡೆಗಟ್ಟಲು, ಹುಳು ಕೊರೆದ ರಂಧ್ರಗಳಲ್ಲಿ ಒಂದು ಲೀಟರ್‌ ನೀರಿನಲ್ಲಿ 2 ಮಿ.ಲೀ. ಡೈಕ್ಲೋರೋವಾಸ್‌. ಬೆರೆಸಿ ಪ್ರತಿ ರಂಧ್ರದಲ್ಲಿ 2-5 ಮಿ.ಲೀ. ಔಷಧಿ ಹಾಕಿ ಹಸಿ ಮಣ್ಣಿನಿಂದ ರಂಧ್ರಗಳನ್ನು ಮುಚ್ಚಬೇಕು.