ಜರ್ಬೆರಾ
ಇದು ಪ್ರಮುಖ ಕತ್ತರಿಸಿದ ಹೂ ಬೆಳೆಗಳಲ್ಲಿ ಒಂದು. ಇದನ್ನು ಹೂದಾನಿಗಳಲ್ಲಿ ಜೋಡಿಸಲು ಮತ್ತು ಹೂ ಗುಚ್ಛಗಳನ್ನು ತಯಾರಿಸಲು ಉಪಯೋಗಿಸುತ್ತಾರೆ. ಈ ಬೆಳೆಯನ್ನು ಉತ್ತಮ ಗುಣಮಟ್ಟದ ಹಾಗೂ ಅಧಿಕ ಹೂಗಳ ಇಳುವರಿ ಪಡೆಯಲು ಹಸಿರು ಮನೆಗಳಲ್ಲಿ ಬೆಳೆಯುವುದು ಒಳ್ಳೆಯದು. ಕುಂಡಗಳಲ್ಲಿ ಪುಷ್ಪಮಡಿಗಳಲ್ಲಿ ಹಾಗೂ ಸಾಲುಗಳಲ್ಲಿ ಅಲಂಕಾರಕ್ಕಾಗಿ ಬೆಳೆಯಬಹುದು.
ಹವಾಗುಣ
ತಂಪಾದ ಹವಾಗುಣದಲ್ಲಿ ಈ ಬೆಳೆ ಚೆನ್ನಾಗಿ ಬೆಳೆಯುತ್ತದೆ. ಈ ಬೆಳೆಯು 200 ರಿಂದ 250 ಸೆ. ವರೆಗೂ ಉಷ್ಣಾಂಶವನ್ನು ತಡೆದುಕೊಲ್ಳುತ್ತದೆ. ಬೇಸಿಗೆಯಲ್ಲಿ ಬಿಸಿಲಿನ ತಾಪಕ್ಕೆ ತುತ್ತಾಗದಂತೆ ನೆರಳನ್ನು ಒದಗಿಸಬೇಕು. ಈ ಬೆಳೆಯನ್ನು ನಾಟಿ ಮಾಡಲು ಜೂನ್-ಜುಲೈ ತಿಂಗಳುಗಳು ಉತ್ತಮವಾದ ಕಾಲ.
ಮಣ್ಣು ನೀರು ಬಸಿದು ಹೋಗುವಂತಹ ಕೆಂಪು ಮರಳೂ ಮಿಶ್ರಿತ ಗೋಡುಮಣ್ಣು ಇದರ ಬೇಸಾಯಕ್ಕೆ ಸೂಕ್ತ. ಮಣ್ಣಿನ ರಸಸಾರ 5.5 ರಿಂದ 6.5ರ ವರೆಗೆ ಇರಬೇಕು.
ತಳಿಗಳು ಸೆಮಿಡಬಲ್ ಮತ್ತು ಡಬಲ್ ಬಗೆಗಳ ತಳಿಗಳನ್ನು ಆಯ್ಕೆ ಮಾಡಬಹುದು.
ಬೇಸಾಯ ಸಾಮಗ್ರಿಗಳುಕ್ರ.ಸಂ ವಿವರಗಳು ಪ್ರತಿ ಹೆಕ್ಟೇರಿಗೆ 1. ಗಿಡಗಳು 10-12
ಬೇಸಾಯ ಕ್ರಮಗಳುಭೂಮಿಯನ್ನು ಮೂರು ನಾಲ್ಕು ಸಲ ಉಳುಮೆ ಮಾಡಿ ಹದಗೊಳಿಸಬೇಕು. ನಂತರ 1 ಮೀ. ಅಗಲ, 30 ಸೆಂ.ಮೀ. ಎತ್ತರ ಮತ್ತು ಅನುಕೂಲಕ್ಕೆ ತಕ್ಕಂತೆ ಉದ್ದದ ಮಡಿಗಳನ್ನು ಮಾಡಬೇಕು. ಚೆನ್ನಾಗಿ ಕಳಿತ ಕೊಟ್ಟಿಗೆ ಗೊಬ್ಬರ, ಮರಳು ಮತ್ತು ಕಳಿತ ತೆಂಗಿನ ನಾರು ಹುಡಿ 2:1:1 ಪ್ರಮಾಣದಲ್ಲಿ ಮಣ್ಣಿಗೆ ಬೆರೆಸಬೇಕು. ಇದರಿಂದ ನೀರು ಚೆನ್ನಾಗಿ ಬಸಿದು ಹೋಗುತ್ತದೆ.
ಮಡಿ ಸಿದ್ದವಾದ ಮೇಲೆ ಸಸಿಗಳನ್ನು ಸಾಲಿನಿಂದ ಸಾಲಿಗೆ ಮತ್ತು ಸಸಿಯಿಂದ ಸಸಿಗೆ 30x30 ಸೆಂ.ಮೀ. ಅಂತರದಲ್ಲಿ ತುಂಬಾ ಆಳವಾಗಿ ನೆಡದೆ, ಮಣ್ಣಿನಲ್ಲಿ ಮುಚ್ಚದಂತೆ ಜೂನ್-ಜುಲೈ ತಿಂಗಳಲ್ಲಿ ನಾಟಿ ಮಾಡಬೇಕು.
ಬೇಸಾಯ ಸಾಮಗ್ರಿಗಳುಕ್ರ.ಸಂ ವಿವರಗಳು ಪ್ರತಿ ಹೆಕ್ಟೇರಿಗೆ1. ಕೊಟ್ಟಿಗೆ ಗೊಬ್ಬರ 10-15 ಕಿ.ಗ್ರಾಂ2. ರಾಸಾಯನಿಕ ಗೊಬ್ಬರ (ಚದರ ಮೀಟರ್ಗೆ ತಿಂಗಳಿಗೆ) ಸಾರಜನಕ 20 ಗ್ರಾಂ ರಂಜಕ 10 ಗ್ರಾಂ ಪೊಟ್ಯಾಷ್ 15 ಗ್ರಾಂ
ಗಿಡ ನೆಟ್ಟ ಮೂರು ತಿಂಗಳವರೆಗೆ ಶಿಫಾರಸ್ಸು ಮಾಡಿದ ಗೊಬ್ಬರವನ್ನು 30 ದಿನಗಳ ಅಂತರದಲ್ಲಿ ಕೊಡಬೇಕು. ನಂತರ ನಾಲ್ಕನೇ ತಿಂಗಳಲ್ಲಿ ಅಂದರೆ ಹೂ ಬಿಡುವ ಸಮಯದಲ್ಲಿ 25:12:25 ಗ್ರಾಂ ಪ್ರಮಾಣದಲ್ಲಿ ಸಾರಜನಕ, ರಂಜಕ, ಪೊಟ್ಯಾಷ್ ಗೊಬ್ಬರವನ್ನು ಪ್ರತಿ ಚದರ ಮೀಟರ್ಗೆ 30 ದಿನದ ಅಂತರದಲ್ಲಿ ನೀಡಬೇಕು.
ನೀರಾವರಿ: ಹನಿ ನೀರಾವರಿ ಪದ್ಧತಿಯಿಂದ ಹೆಚ್ಚು ಇಳುವರಿಯನ್ನು ಪಡೆಯಬಹುದು. ನಾಟಿ ಮಾಡಿದ ನಂತರ ಪ್ರತಿ ಗಿಡಕ್ಕೆ ಪ್ರತಿ ದಿನಕ್ಕೆ ಅರ್ಧ ಲೀಟರ್ ನೀರಿನಂತೆ ನೀರು ಹಾಯಿಸಬೇಕು.
ಕಳೆ ಹತೋಟಿ: ಬೆಳೆಯ ಅವಧಿಯಲ್ಲಿ ಮೂರು ನಾಲ್ಕು ಸಾರಿಯಾದರೂ ಕಳೆ ತೆಗೆಯಬೇಕು.
ಸಸ್ಯ ಸಂರಕ್ಷಣೆ
ರೋಗಗಳು: ಬೇರು ಕೊಳೆಯುವ ರೋಗ, ಎಲೆ ಚುಕ್ಕೆ ರೋಗ, ಬೂದಿ ರೋಗ.
ಹತೋಟಿ ವಿಧಾನ
1.ಬೇರು ಕೊಳೆಯುವ ರೋಗ ಕಂಡುಬಂದಲ್ಲಿ 2 ಗ್ರಾಂ ಮೆಟಲಾಕ್ಸಿಲ್ + ಮ್ಯಾಂಕೊಜೆಬ್ 72 ಅಥವಾ 2 ಗ್ರಾಂ ಕ್ಯಾಪ್ಟಾನ್ 80 ಡಬ್ಲ್ಯೂ.ಪಿ. ಪ್ರತಿ ಲೀಟರ್ ನೀರಿನಲ್ಲಿ ಕಲಸಿ ಗಿಡದ ಸುತ್ತಲೂ ನೆನೆಸಬೇಕು.2.ಬೂದಿರೋಗದ ನಿಯಮತ್ರಣಕ್ಕೆ 3 ಗ್ರಾಂ ಶೇ. 80ರ ನೀರಿನಲ್ಲಿ ಕರಗುವ ಗಂಧಕವನ್ನು ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು.3.ಎಲೆ ಚುಕ್ಕೆ ರೋಗ ನಿಯಂತ್ರಣಕ್ಕೆ 2 ಗ್ರಾಂ ಮ್ಯಾಂಕೋಜೆಬ್ ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು.
ಸಸ್ಯ ಸಂರಕ್ಷಣೆಕೀಟಗಳು: ಥ್ರಿಪ್ಸ್, ನುಸಿ, ಸಸ್ಯ ಹೇನು ರಸ ಹೀರುವ ಕೀಟಗಳು.
ಇಳುವರಿನಾಟಿ ಮಾಡಿದ ಮೂರು ತಿಂಗಳ ನಂತರ ಜರ್ಬೆರಾ ಹೂ ಬಿಡಲು ಪ್ರಾರಂಭಿಸುತ್ತವೆ. ಹೂಗಳ ಇಳುವರಿ ಒಂದು ಚದರ ಮೀಟರ್ಗೆ ಒಂದು ವರ್ಷಕ್ಕೆ ಸುಮಾರು 150-200 ಹೂಗಳು. ಬೆಳೆಯನ್ನು ನಾಟಿ ಮಾಡಿದ ನಂತರ 2 ರಿಂದ 21/2 ವರ್ಷಗಳ ಕಾಲ ಇಳುವರಿ ಪಡೆಯಬಹುದು.
Download POP AppView POP website
KVK-Netagropedia images New in agropedia Multilingual Editor
