Pulse crop

Package of practice for Urd

Submitted by naipagropediaraichur on Mon, 28/01/2013 - 17:05

Posted in

Introduction

ಉದ್ದು

ಉದ್ದು ಉತ್ತರ ಕರ್ನಾಟಕದ ಮುಖ್ಯವಾದ ದ್ವಿದಳಧಾನ್ಯದ ಬೆಳೆಯಾಗಿದ್ದು ಇದನ್ನು ಬೀದರ್, ಕಲಬುರ್ಗಿ, ಬೆಳಗಾವಿ, ಧಾರವಾಡ ಮತ್ತು ಹಾವೇರಿ ಜಿಲ್ಲೆಗಳಲ್ಲಿ ಬೆಳೆಯಲಾಗುತ್ತಿದೆ. ಈ ಬೆಳೆಯನ್ನು ರಾಜ್ಯದಲ್ಲಿ 1.27 ಲಕ್ಷ ಹೆಕ್ಟೇರಗಳಲ್ಲಿ ಬೆಳೆಯುತ್ತಿದ್ದು 0.44 ಲಕ್ಷ ಟನ್ ಉತ್ಪಾದನೆಯಾಗುತ್ತಿದೆ.

Varieties

ತಳಿಗಳ ವಿವರ

ತಳಿಗಳು

ವಲಯಮತ್ತುಸನ್ನಿವೇಶ

ಬಿತ್ತನೆಕಾಲ

ಅವಧಿ (ದಿನಗಳು)

ಡಿಯು-1

1,2 ಮತ್ತು 8 ಮಳೆಯಾಶ್ರಿತ

ಮುಂಗಾರು-ಜೂನ್ ಕೊನೆಯವರೆಗೆ

75-80

ಟಿ.ಎ.ಯು-1

-ಸದರ-

-ಸದರ-

75-80

Cropping system

ಅಂತರ ಬೇಸಾಯ

40 ದಿವಸಗಳೊಳಗಾಗಿ ಎರಡು ಸಾರಿ ಅಂತರ ಬೇಸಾಯ ಮಾಡಬೇಕು.

Seed & Sowing

ಬಿತ್ತನೆಗೆ ಬೇಕಾಗುವ ಸಾಮಗ್ರಿಗಳು (ಪ್ರತಿ ಹೆಕ್ಟೇರಿಗೆ)

ಬೀಜ

ಡಿಯು-1

15-18 ಕಿ.ಗ್ರಾಂ

ಟಿ.ಎ.ಯು-1

15-16 ಕಿ.ಗ್ರಾಂ

ಸಾವಯವಗೊಬ್ಬರ

ಕೊಟ್ಟಿಗೆ ಗೊಬ್ಬರ

5.0 ಟನ್

ಜೈವಿಕಗೊಬ್ಬರ

ರೈಜೋಬಿಯಂ

500 ಗ್ರಾಂ

ರಂಜಕ ಕರಗಿಸುವ ಅಣುಜೀವಿ

500 ಗ್ರಾಂ

ರಾಸಾಯನಿಕಗೊಬ್ಬರ

ವಲಯ 1,2, ಮತ್ತು 8

ಸಾರಜನಕ

25 ಕಿ.ಗ್ರಾಂ

ರಂಜಕ

50 ಕಿ.ಗ್ರಾಂ

ಬಿತ್ತನೆ

ಬೀಜ ಮತ್ತು ರಾಸಾಯನಿಕ ಗೊಬ್ಬರಗಳನ್ನು ಏಕಕಾಲಕ್ಕೆ ಬಿತ್ತನೆ ಮಾಡುವ ಕೂರಿಗೆಯನ್ನು ಉಪಯೋಗಿಸಿ ಶಿಫಾರಸಿದ ಎಲ್ಲ ರಾಸಾಯನಿಕ ಗೊಬ್ಬರವನ್ನು ಬಿತ್ತನೆ ಮಾಡುವಾಗ ಹಾಕಬೇಕು. ಬಿತ್ತುವ ಪೂರ್ವದಲ್ಲಿ ಬೆಳೆಯ ಬರ ನಿರೋಧಕ ಗುಣ ಹೆಚ್ಚಿಸಲು ಬೀಜವನ್ನು ಶೇ. 2ರ ಕ್ಯಾಲ್ಸಿಯಂ ಕ್ಲೋರೈಡ್ ದ್ರಾವಣವನ್ನು ಅರ್ಧ ಗಂಟೆ ನೆನೆಸಿ, ನಂತರ ನೆರಳಿನಲ್ಲಿ ಕನಿಷ್ಠ 7 ಗಂಟೆ ಒಣಗಿಸಬೇಕು. ನಂತರ ರೈಜೋಬಿಯಂ ಜೀವಾಣುಗಳಿಂದ ಉಪಚರಿಸಿ, ಸಾಲಿನಿಂದ ಸಾಲಿಗೆ 30 ಸೆಂ.ಮೀ. ಮತ್ತು ಬೀಜದಿಂದ ಬೀಜಕ್ಕೆ 10 ಸೆಂ.ಮೀ. ಅಂತರವಿರುವಂತೆ ಬಿತ್ತನೆ ಮಾಡಬೇಕು.

Weed management

ಕಳೆ ನಿಯಂತ್ರಣ

ಬೀಜ ಬಿತ್ತಿದ ಎರಡು ದಿನಗಳ ಒಳಗಾಗಿ ಪ್ರತಿ ಹೆಕ್ಟೇರ್‍ಗೆ 3 ಲೀ. ಪ್ಲುಕ್ಲೋರಾಲಿನ್ 45 ಇ.ಸಿ. ಅಥವಾ 4 ಲೀ. ಅಲಾಕ್ಲೋರ್ 50 ಇ.ಸಿ ಕಳೆನಾಶಕಗಳನ್ನು 1000 ಲೀಟರ್ ನೀರಿನಲ್ಲಿ ಕರಗಿಸಿ ಸಿಂಪಡಿಸಿ. ಸಿಂಪರಣೆ ಸಮಯದಲ್ಲಿ ಮಣ್ಣು ಹುಡಿಯಾಗಿದ್ದು, ಸಾಕಷ್ಟು ತೇವಾಂಶ ಹೊಂದಿರಬೇಕು.

ಉದ್ದು ಬೆಳೆಯ ಬೆಳವಣಿಗೆಯ ಮೊದಲ ಹಂತದಲ್ಲಿ ಅಂದರೆ ಉದ್ದು ಬಿತ್ತಿದ 25 ರಿಂದ 30 ದಿವಸಗಳ ನಂತರ ಕಂಡು ಬರುವ ಬೀಜದಿಂದ ವೃದ್ಧಿಯಾಗುವ ಏಕವಾರ್ಷಿಕ ಹುಲ್ಲಿನ ಜಾತಿಗೆ ಸೇರಿದ ಕಳೆಗಳ ಹತೋಟಿಗೆ ಪ್ರತಿ ಹೆಕ್ಟೇರಿಗೆ 50 ಗ್ರಾಂ ಕ್ವಿಝಾಲೋಫಾಪ್ ಇಥೈಲ್ 5 ಇ.ಸಿ. (ಅಂದರೆ ಪ್ರತಿ ಲೀಟರ್ ನೀರಿಗೆ 1.40 ಮಿ.ಲೀ. ತರಗಾ ಸುಪರ್ 5 ಇ.ಸಿ.) ಅಥವಾ 50 ಗ್ರಾಂ ಪ್ರೊಪಾಕ್ವಿಝಾಫಾಪ್ 10 ಇ.ಸಿ. (ಅಂದರೆ ಪ್ರತಿ ಲೀಟರ್ ನೀರಿಗೆ 0.70 ಮಿ.ಲೀ. ಸೊಸೈಟಿ 10 ಇ.ಸಿ.) ಕಳೆನಾಶಕವನ್ನು ಬೆಳೆಯಲ್ಲಿರುವ ಕಳೆಗಳಿಗೆ ಸಿಂಪಡಿಸಬೇಕು. ಈ ಕಳೆನಾಶಕಗಳನ್ನು ಬಳಸಸುವಾಗ ಪ್ರತಿ ಲೀಟರ್ ಕಳೆನಾಶಕ ಸಿಂಪರಣಾ ದ್ರಾವಣಕ್ಕೆ ಒಂದು ಮಿ.ಲೀ. ಇಂಡಟ್ರಾನ್ ಎ.ಇ. ಅಥವಾ ಒಂದು ಮಿ.ಲೀ. ಧನುಮಿಟ್ ಎಂಬ ಅಂಟು ದ್ರಾವಣವನ್ನು ಬೆರೆಸಿ ಬೆಳೆಯಲ್ಲಿರುವ ಕಳೆಗಳಿಗೆ ಸಿಂಪಡಿಸಬೇಕು.

Disease management

ಕೋಷ್ಟಕ: ಉದ್ದು ಬೆಳೆಯಲ್ಲಿ ಸಸ್ಯ ಸಂರಕ್ಷಣಾ ಕ್ರಮಗಳು (ಪ್ರತಿ ಹೆಕ್ಟೇರಿಗೆ 500 ಲೀ. ಸಿಂಪರಣಾ ದ್ರಾವಣ ಬೇಕಾಗುತ್ತದೆ.)

ರೋಗಗಳು

1.

ಎಲೆಚುಕ್ಕೆ ರೋಗ

ಎಲೆಗಳ ಮೇಲೆ ಪ್ರಥಮವಾಗಿ ಸಣ್ಣ ಚುಕ್ಕೆಗಳು ಕಾಣಿಸಿಕೊಂಡು ನಂತರ ಒರಟಾಗುತ್ತವೆ. ಎಲೆಗಳ ದೇಟಿನ ಮೇಲೆ ಕಂದು ಬಣ್ಣದ ಚುಕ್ಕೆ ಅಥವಾ ಉದ್ದನೆಯ ಗೆರೆ ಕಾಣಬಹುದು.

ರೋಗ ಲಕ್ಷಣ ಕಂಡಕೂಡಲೇ 2.0 ಗ್ರಾಂ ಮ್ಯಾಂಕೋಜೆಬ್ 75 ಡಬ್ಲೂ.ಪಿ. ಅಥವಾ 3.0 ಗ್ರಾಂ ತಾಮ್ರದ ಆಕ್ಸಿಕ್ಲೋರೈಡ್ 50 ಡಬ್ಲೂ.ಪಿ ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು.

2.

ಬೂದಿ ರೋಗ

ಎಲೆಯ ಮೇಲ್ಭಾಗ ಹಾಗೂ ಕೆಳಭಾಗದಲ್ಲಿ ಕೆಲವೊಮ್ಮೆ ಕಾಂಡದ ಮೇಲೆ ಬಿಳಿ ಹಿಟ್ಟಿನಂತಹ ಶಿಲೀಂಧ್ರದ ಬೆಳವಣಿಗೆ ಕಾಣುತ್ತದೆ. ನಂತರ ಎಲೆಗಳು ಹಳದಿ ಬಣ್ಣಕ್ಕೆ ತಿರುಗಿ, ಉದುರಿ ಬೀಳುತ್ತವೆ. ಕಾಯಿ ಮತ್ತು ಕಾಂಡ ನೇರಳೆ ಬಣ್ಣಕ್ಕೆ ತಿರುಗುತ್ತವೆ. ಕಾಯಿಗಳು ಸಣ್ಣದಾಗಿ ವಿಕಾರಗೊಂಡು ಮಾಗುವುದಕ್ಕಿಂತ ಮೊದಲೆ ಒಣಗುತ್ತವೆ.

ರೋಗದ ಲಕ್ಷಣ ಕಂಡ ತಕ್ಷಣ 3.0 ಗ್ರಾಂ ಶೇ. 80 ರ ನೀರಿನಲ್ಲಿ ಕರಗುವ ಗಂಧಕ ಅಥವಾ 1.0 ಗ್ರಾಂ ಕಾರ್ಬನ್‍ಡೈಜಿಮ್ 50 ಡಬ್ಲೂ.ಪಿ ಅಥವಾ 1.0 ಮಿ.ಲೀ. ಹೆಕ್ಸಾಕೋನಾಜೋಲ್ 5 ಇ.ಸಿ ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು

3.

ನಂಜು ರೋಗ

ನಂಜು ತಗುಲಿದ ಎಲೆಗಳ ಮೇಲೆ ಹಸಿರು ಹಳದಿ ಬಣ್ಣದ ಉದ್ದನೆಯ ಪಟ್ಟಿಗಳು ಕಾಣಿಸುತ್ತವೆ. ಸಣ್ಣ ಎಲೆಗಳ ಮೇಲೆ ಹೆಚ್ಚಾಗಿ ಈ ಲಕ್ಷಣಗಳು ಕಾಣಿಸುತ್ತವೆ. ಈ ರೋಗವು ಬಿಳಿನೊಣದಿಂದ ಗಿಡದಿಂದ ಗಿಡಕ್ಕೆ ಹರಡುತ್ತದೆ.

ಈ ರೋಗ ಹರಡುವುದನ್ನು ತಡೆಯಲು 1.7 ಮಿ.ಲೀ. ಡೈಮೆಥೋಯೇಟ್ 30 ಇಸಿ ಅಥವಾ 0.5 ಮಿ.ಲೀ. ಫಾಸ್ಫಾಮಿಡಾನ್ 85 ಡಬ್ಲು.ಎಸ್‍ಸಿ ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು ರೋಗ ಬಾಧಿತ ಗಿಡಗಳನ್ನು ಕಿತ್ತು ನಾಶಪಡಿಸಬೇಕು.

Insect pest management

ಕ್ರ.ಸಂ.

ಪೀಡೆ

ಲಕ್ಷಣಮತ್ತುಹಾನಿ

ನಿರ್ವಹಣಾಕ್ರಮಗಳು

ಕೀಟಗಳು

1.

ಅಗ್ರೋಮೈಜಿಡ್ ನೊಣ

ಇದು ಸಣ್ಣ ನೊಣ, ಎಳೆ ಭಾಗಗಳ ಮೇಲೆ ಇಟ್ಟು ಮೊಟ್ಟೆಯಿಂದ ಹೊರಬಂದ ಮರಿಗಳು ಕಾಂಡವನ್ನು ಕೊರೆಯುತ್ತವೆ. ಕೊರೆದ ಕಾಂಡ ಬಾಡುತ್ತದೆ.

ಮುಂಚಿತವಾಗಿ ಬಿತ್ತನೆ ಮಾಡುವುದು, ಬಾಡುತ್ತಿರುವ ಸಸಿಗಳನ್ನು ಕಿತ್ತು ನೆಲದ್ಲಲಿ ಹೂಳಿದರೆ ಮುಂದಿನ ಪೀಳಿಗೆಯನ್ನು ತಡೆಗಟ್ಟಬಹುದು. ಕೀಟನಾಶಕಗಳಾದರೆ ಪ್ರತಿ ಲೀಟರ್ ನೀರಿನಲ್ಲಿ 1.7 ಮಿ.ಲೀ. ಡೈಮಿಥೊಯೇಟ್ 30 ಇ.ಸಿ. ಅಥವಾ 0.5 ಮಿ.ಲೀ. ಫಾಸ್ಫಾಮಿಡಾನ್ 85 ಡಬ್ಲೂ.ಎಸ್.ಸಿ. ಅಥವಾ 0.20 ಗ್ರಾಂ ಥೈಯಾಮೆಥಾಕ್ಸಾಮ್ ಅಥವಾ 0.3 ಮಿ.ಲೀ. ಇಮಿಡಾಕ್ಲೋಪ್ರಿಡ್ ಬೆರೆಸಿ ಸಿಂಪಡಿಸಬೇಕು.

2.

ಸಸ್ಯ ಹೇನು

ಬೆಳೆಯ ಎಳೆಯ ಭಾಗದಿಂದ ಮರಿಗಳು ಮತ್ತು ಬೆಳೆದ ಹೇನುಗಳು (ಏಫಿಡ್) ರಸವನ್ನು ಹೀರಿ ಬೆಳೆಯನ್ನು ಕುಗ್ಗಿಸುತ್ತವೆ. ಸಿಹಿ ಅಂಟನ್ನು ವಿಸರ್ಜಿಸುವುದರಿಂದ ಕಪ್ಪು ಬೂಸ್ಟ್ ಬೆಳೆಯುತ್ತದೆ. ಚಿಗುರೆಲೆ ಮತ್ತು ಕಾಯಿಗಳಿಂದ ಕೊಡರಸ ಹೀರುತ್ತವೆ. ಕಾಯಿಗಳು ಜೊಳ್ಳಾಗುತ್ತವೆ.

1.7 ಮಿ.ಲೀ. ಡೈಮಿಥೋಯೇಟ್ 30 ಇ.ಸಿ ಅಥವಾ 1.0 ಮಿ.ಲೀ. ಮಿಥೈಲ್ ಪ್ಯಾರಾಥಿಯಾನ್ 50 ಇಸಿ ಯನ್ನು ಪ್ರತಿ ಲೀಟರ್ ನೀರಿಗೆ ಬೆರೆಸಿ ಸಿಂಪಡಿಸಬೇಕು.

3.

ಥ್ರಿಪ್ಸ್

ಚಿಗುರೆಲೆ ಮತ್ತು ಕಾಯಿಗಳಿಂದ ರಸ ಹೀರುತ್ತವೆ. ಕಾಯಿಗಳು ಜೊಳ್ಳಾಗುತ್ತವೆ.

ಪ್ರತಿ ಲೀಟರ್ ನೀರಿಗೆ 1 ಮಿ.ಲೀ. ಮಿಥೈಲ್ ಪ್ಯಾರಾಥಿಯಾನ್ 50 ಇ.ಸಿ ಅಥವಾ 1 ಮಿ.ಲೀ. ಮೊನೊಕ್ರೋಟೋಫಾಸ್ 36 ಎಸ್.ಎಲ್. ಅಥವಾ 1.7 ಮಿ.ಲೀ. ಡೈಮಿಥೋಯೇಟ್ 30 ಇ.ಸಿ. ಬೆರೆಸಿ ಸಿಂಪಡಿಸಬೇಕು 1.0 ಮಿ.ಲೀ. ಮಿಥೈಲ್ ಪ್ಯಾರಾಥಿಯಾನ್ 50 ಇಸಿ ಯನ್ನು ಪ್ರತಿ ಲೀಟರ್ ನೀರಿಗೆ ಬೆರೆಸಿ ಸಿಂಪಡಿಸಬೇಕು.

4.

ಕಾಯಿ ಕೊರೆಯುವ ಹುಳು

ಈ ಹುಳು ಕಾಯಿಯಲ್ಲಿ ಬೆಳೆಯುತ್ತಿರುವ ಕಾಳಿನ ಪಕ್ಕದಲ್ಲಿ ರಂಧ್ರ ಕೊರೆದು ಮೊಟ್ಟೆಯನ್ನಿಡುತ್ತದೆ. ಮೊಟ್ಟೆಗಳಿಂದ ಹೊರಬಂದ ಹುಳುಗಳು ಹಸಿರು ಬೀಜವನ್ನು ತಿನ್ನುತ್ತವೆ. ಕಾಯಿಗಳ ಮೇಲೆ ರಂಧ್ರಗಳನ್ನು ಕಾಣಬಹುದು.

-ಸದರ-

5.

ಮೂತಿ ಹುಳು

ಮರಿ ಹುಳು ಕಾಳುಗಳನ್ನು ತಿನ್ನುವುದರಿಂದ ಇಳುವರಿ ಕಡಿಮೆ ಆಗುತ್ತದೆ.

-ಸದರ-

Yield

ಇಳುವರಿ (ಹೆಕ್ಟೇರಿಗೆ)

ತಳಿಗಳು

ಕ್ವಿಂಟಲ್

ಡಿಯು-1

8-10

ಟಿಎಯು-1

7.5-10

2965 reads

Package of practice for Pigeonpea

Submitted by naipagropediaraichur on Mon, 21/01/2013 - 12:20

Posted in

Introduction

ತೊಗರಿ

ತೊಗರಿ, ಉತ್ತರ ಕರ್ನಾಟಕದ ಬಹು ಮುಖ್ಯವಾದ ದ್ವಿದಳ ಧಾನ್ಯದ ಬೆಳೆಯಾಗಿದೆ. ಇದನ್ನು ರಾಜ್ಯದಲ್ಲಿ 6 ಲಕ್ಷ ಹೆ. ಕ್ಷೇತ್ರದಲ್ಲಿ ಬೆಳೆಯುತ್ತಿದ್ದು 2.8 ಲಕ್ಷ ಟನ್ ಉತ್ಪಾದನೆ ಪಡೆಯುಲಾಗುತ್ತಿದೆ. ಇದನ್ನು ಕಲಬುರ್ಗಿ ಜಿಲ್ಲೆಯಲ್ಲಿ ಇಡೀ ಬೆಳೆಯಾಗಿ ಮತ್ತು ಇತರ ಪ್ರದೇಶಗಳಲ್ಲಿ ಹೆಸರು, ಉದ್ದು, ಎಳ್ಳು, ಜೋಳ ಮತ್ತು ಸಜ್ಜೆ ಬೆಳೆಗಳಲ್ಲಿ ಅಂತರ ಬೆಳೆಯಾಗಿ ಬೆಳೆಯಲಾಗುತ್ತಿದೆ.

Varieties

ತಳಿಗಳ ವಿವರ

ತಳಿಗಳು	ವಲಯಮತ್ತುಸನ್ನಿವೇಶ	ಬಿತ್ತನೆಕಾಲ	ಅವಧಿ (ದಿನಗಳಲ್ಲಿ)/ ವಿಶೇಷತೆ
ಮಧ್ಯಮಾವಧಿತಳಿಗಳು
ಮಾರುತಿ (ಐಸಿಪಿ - 8863)	1,2,3 ಮತ್ತು 8	ಜೂನ್-ಜುಲೈ	170-175/ ಕೆಂಪು ಬಣ್ಣದ ಕಾಳುಗಳು, ಸಿಡಿ ರೋಗ ನಿರೋಧಕ ತಳಿ, ಕಡಿಮೆ ಆಳದ ಮಣ್ಣನ್ನು ಹೊರತುಪಡಿಸಿ ಎಲ್ಲ ರೀತಿಯ ಮಣ್ಣುಗಳು ಸೂಕ್ತ. ಗೊಡ್ಡು ರೋಗ ಪೀಡಿತ ಕ್ಷೇತ್ರಗಳಲ್ಲಿ ಬೆಳೆಯಬಾರದು.
ಆಶಾ (ಐಸಿಪಿಎಲ್-87119)	-ಸದರ-	-ಸದರ-	180-200/ ಸಿಡಿ ಹಾಗೂ ಗೊಡ್ಡು ರೋಗ ನಿರೋಧಕ ತಳಿ. ಆಳವಾದ ಕಪ್ಪು ಮಣ್ಣು/ ನೀರಾವರಿ
ಟಿಎಸ್-3	-ಸದರ-	-ಸದರ-	180-190/ ಬಿಳಿ ಮತ್ತು ದಪ್ಪ ಕಾಳು.
ಡಬ್ಲೂಆರ್‍ಪಿ-1	2/ ಮಳೆಯಾಶ್ರಿತ ಕಡಿಮೆ ಆಳದ ಮಣ್ಣಿಗೆ ಸೂಕ್ತ	-ಸದರ-	155-160/ ಬಿಳಿ ಕಾಳು, ಸಿಡಿ ರೋಗ ನಿರೋಧಕ ತಳಿ ಗೊಡ್ಡು ರೋಗ ಪೀಡಿತ ಪ್ರದೇಶದಲ್ಲಿ ಬೆಳೆಯಬಾರದು.
ಟಿಎಸ್-3 ಆರ್	2	-ಸದರ-	145-150/ ನೆಟೆ ರೋಗಕ್ಕೆ ನಿರೋಧಕತೆ, ದಪ್ಪ ಕಾಳಿನ ಗಾತ್ರ ಗುಲ್ಯಾಳ ಲೋಕಲ್ ತಳಿಗೆ ಪರ್ಯಾಯ ತಳಿಯಾಗಿದೆ.
ಎಸ್-1	8/ಮಳೆಯಾಶ್ರತ	-ಸದರ-	180-190/ ಬಿಳಿ ಹಆಗೂ ದಪ್ಪ ಕಾಳು
ಅಲ್ಪಾವಧಿತಳಿಗಳು
ಪ್ರಗತಿ (ಐಸಿಪಿಎಲ್-87)	1,2,3 ಮತ್ತು 8	-ಸದರ-	120-130/ ಕೊಳೆ ಬೆಳೆ, ಹಾಗೂ ಬಹು ಬೆಳೆ ಯೋಜನೆಗೆ ಸೂಕ್ತ.
ಈಸಿ-11-39	2/ನೀರಾವರಿ	-ಸದರ-	125-135/ ಮಧ್ಯಮ ಗಾತ್ರದ ಕೆಂಪು ಬಣ್ಣದ ಕಾಳುಗಳು, ಬಹು ಬೆಳೆಯೋಜನೆಗೆ ಸೂಕ್ತ
ಬಿ.ಎಸ್.ಎಂ ಆರ್-736	1,2/ ಮಳೆಯಾಶ್ರಿತ	-ಸದರ-	180/ ಗೊಡ್ಡು ರೋಗ, ನೆಟೆ ರೋಗ ನಿರೋಧಕ ತಳಿ, ಕಂದು ಬಣ್ಣದ ಕಾಳುಗಳು

Cropping system

ಅಂತರ ಬೇಸಾಯ

15 ರಿಂದ 20 ದಿನಗಳ ಅಂತರದಲ್ಲಿ 2-3 ಬಾರಿ ಅಂತರ ಬೇಸಾಯ ಮಾಡಬೇಕು.

ಮಿಶ್ರ ಬೆಳೆ

ಕಡಿಮೆ ಆಳದ ಕಪ್ಪು ಭೂಮಿಯಲ್ಲಿ ತೊಗರಿಯನ್ನು ನವಣೆಯೊಂದಿಗೆ 2:1 ಸಾಲುಗಳ ಅನುಪಾತದಲ್ಲಿ ಅಂತರ ಬೆಳೆಯಾಗಿ ಬೆಳೆಯುವುದು ಸೂಕ್ತ (ನವಣೆಗೆ 45 ಸೆಂ.ಮೀ. ಸಾಲಿನ ಅಂತರ).

ತೊಗರಿಯಲ್ಲಿ ಕುಡಿ ಚಿವುಟುವದು

ತೊಗರಿಯನ್ನು ಬಿತ್ತನೆ ಮಾಡಿದ 50 ದಿನಗಳಲ್ಲಿ ಬೆಳೆ ಮೇಲ್ಭಾಗದ ಕುಡಿಯನ್ನು 5-6 ಸೆಂ.ಮೀ. ದಷ್ಟು ಕುಡಿ ಚಿವುಟುವದರಿಂದ ಹೆಚ್ಚಿನ ಸಂಖ್ಯೆಯಲ್ಲಿ ಕವಲೊಡೆದು, ಕಾಯಿಗಳ ಸಂಖ್ಯೆ ಹೆಚ್ಚಾಗಿ ಇಳುವರಿ ಹೆಚ್ಚಾಗುತ್ತದೆ.

ಇತರೆ ಕ್ರಮಗಳು

1. ಮೋಡ ಕವಿದ ವಾತಾವರಣವಿದ್ದಲ್ಲಿ ಎನ್.ಪಿ.ವಿ. ಬಳಕೆಯನ್ನು ಒಂದಕ್ಕಿಂತ ಹೆಚ್ಚು ಬಾರಿ ಉಪಯೋಗಿಸುವುದು ಸೂಕ್ತ.
2. ಒಂದು ಬಾರಿ ಉಪಯೋಗಿಸಿದ ರಾಸಾಯನಿಕ ಕೀಟನಾಶಕಗಳನ್ನು ಪದೇ ಪದೇ ಬಳಸಬಾರದು.
3. ಶಿಫಾರಸ್ಸು ಮಾಡಿದ ಪ್ರಮಾಣದ ಕೀಟನಾಶಕಗಳ ಜೊತೆ ಪುಂಡಿ ಅಥವಾ ಎಳ್ಳೆಣ್ಣೆಯನ್ನು 1:1 ರ ಪ್ರಮಾಣದಲ್ಲಿ ಬೆರಸಿ ಸಿಂಪಡಿಸಬೇಕು.
4. ಹೆಕ್ಟೇರಿಗೆ 1000 ಲೀಟರ್ ಸಿಂಪರಣಾ ದ್ರಾವಣ ಸಿಂಪಡಿಸಬೇಕು.
5. ಸಿಂಪರಣೆಗೆ ಬ್ಯಾಟರಿ ಚಾಲಿತ ಸಿಂಪರಕಗಳನ್ನು ಬಳಸಬಾರದು.

ಖರ್ಚು ಇಲ್ಲದ ಬೇಸಾಯ ಕ್ರಮಗಳು

• ಆಯಾ ವಲಯ ಪ್ರದೇಶಕ್ಕೆ ಶಿಫಾರಸ್ಸು ಮಾಡಿದ ತಳಿಗಳನ್ನೇ ಬಿತ್ತನೆಗೆ ಬಳಸುವುದು ಸೂಕ್ತ.
• ತೊಗರಿಯನ್ನು ಜೂನ್ ಎರಡನೆ ಪಕ್ಷದಲ್ಲಿ 90 ಸೆಂ.ಮೀ. ಅಂತರದ ಹರಿಗಳಲ್ಲಿ ಒಣ ಬಿತ್ತನೆ ಮಾಡುವುದರಿಂದ ಬಿತ್ತನೆ ಕಾಲವನ್ನು ಕಾಯ್ದುಕೊಳ್ಳುವುದಲ್ಲದೇ, ಹರಿಗಳಲ್ಲಿ ತೇವಾಂಶ ಸಂಗ್ರಹಣೆಗೆ ಅನುಕೂಲವಾಗಿ ಬಿಝದ ಮೊಳಕೆ ಪ್ರಮಾಣವನ್ನು ಹೆಚ್ಚಿಸುತ್ತದೆ. ಇದರಿಂದ ತೊಗರಿಯ ಕಾಯಿಕೊರಕದ ಬಾಧೆಯನ್ನು ಮುಂಬರುವ ದಿನಗಳಲ್ಲಿ ತಕ್ಕಮಟ್ಟಿಗೆ ತಪ್ಪಿಸಬಹುದು.
• ಅವಶ್ಯಕತೆಗನುಗುಣವಾದ, ಸಮಯೋಚಿತ ಸಸ್ಯ ಸಂರಕ್ಷಣೆ ಕ್ರಮಗಳು ಹೆಚ್ಚು ಲಾಭದಾಯಕ.

Seed & Sowing

ಬಿತ್ತನೆಗೆ ಬೇಕಾಗುವ ಬೇಸಾಯ ಸಾಮಗ್ರಿಗಳು (ಪ್ರತಿ ಹೆಕ್ಟೇರಿಗೆ)

ಬೀಜ: 10-12 ಕಿ.ಗ್ರಾಂ
ಇಡೀ ಬೆಳೆ: 6-8 ಕಿ.ಗ್ರಾಂ
ಮಿಶ್ರ ಬೆಳೆ :
ಜೈವಿಕ ಗೊಬ್ಬರ:
ರೈಜೋಬಿಯಂ: 500 ಗ್ರಾಂ
ವಲಯ 3: ಸಿಸಿ-1
ವಲಯ 1 ಮತ್ತು 2: ಜಿ.ಬಿ-1 ಅಥವಾ ಜಿ.ಬಿ. -2

ಬಿತ್ತನೆ

ಬೀಜ ಮತ್ತು ರಾಸಾಯನಿಕ ಗೊಬ್ಬರಗಳನ್ನು ಏಕಕಾಲಕ್ಕೆ ಬಿತ್ತುವ ಕೂರಿಗೆಯಿಂದ ಬಿತ್ತಬೇಕು. ಬಿತ್ತುವಾಗ ಶಿಫಾರಸಿದ ಎಲ್ಲ ರಸಗೊಬ್ಬರಗಳನ್ನು ಹಾಕಬೇಕು. ಬೀಜಗಳಲ್ಲಿ ಬರ ನಿರೋಧಕತೆ ಹೆಚ್ಚಿಸಲು ಬೀಜಗಳನ್ನು ಶೇ. 2 ರ ಕ್ಯಾಲ್ಸಿಯಂ ಕ್ಲೋರೈಡ್ ದ್ರಾವಣದಲ್ಲಿ 1 ತಾಸು ನೆನೆಸಿ, ನಂತರ ನೆರಳಿನಲ್ಲಿ ಕನಿಷ್ಠ 7 ತಾಸು ಒಣಗಿಸಬೇಕು. ಈ ರೀತಿ ಕಠಿಣಗೊಳಿಸಿದ ಬೀಜವನ್ನು ರೈಜೋಬಿಯಂ ಅಣುಜೀವಿ ಗೊಬ್ಬರದಿಂದ ಉಪಚರಿಸಬೇಕು. ವಲಯ 1 ಮತ್ತು 2 ರಲ್ಲಿ ಜಿ.ಬಿ. 2 ಹಾಗೂ ವಲಯ 3 ರಲ್ಲಿ ಸಿಸಿ-1 ರೈಜೋಬಿಯಂ ಜೈವಿಕಗೊಬ್ಬರದಿಂದ ಬೀಜೋಪಚಾರ ಮಾಡುವುದರಿಂದ ಬೆಳೆಗೆ ಶಿಫಾರಸ್ಸು ಮಾಡಿದ ಶೇ. 50 ರಷ್ಟು ಸಾರಜನಕವನ್ನು ಉಳಿತಾಯ ಮಾಡಬಹುದು. ಅಲ್ಪಾವಧಿ ತಳಿಗಳಾದಲ್ಲಿ ಬೀಜವನ್ನು 45 ಸೆಂ. ಮೀ. ಅಂತರದ ಸಾಲುಗಳಲ್ಲಿ ಬಿತ್ತಿ, ಸಾಲಿನಲ್ಲಿ 10 ಸೆಂ.ಮೀ. ಗೆ ಒಂದರಂತೆ ಸಸಿ ಉಳಿಸಿಕೊಂಡು ಉಳಿದ ಸಸಿಗಳನ್ನು ಕಿತ್ತು ಹಾಕಬೇಕು. ಮಧ್ಯಮಾವಧಿ ತಳೀಗಳಾದಲ್ಲಿ ಬೀಜವನ್ನು 90 ಸೆಂ. ಮೀ. ಅಂತರದ ಸಾಲುಗಳಲ್ಲಿ ಬತ್ತಿ, ಪ್ರತಿ 30 ಸೆಂ.ಮೀ. ಗೆ ಒಂದರಂತೆ ಸಸಿ ಉಳಿಸಿಕೊಂಡು ಉಳಿದ ಸಸಿಗಳನ್ನು ಕಿತ್ತು ಹಾಕಬೇಕು. ಬಿತ್ತಿದ 20-25 ದಿನಗಳ ನಂತರ ಸತುವಿನ ಸಲ್ಫೇಟ್‍ನ್ನು ಪುಡಿ ಮಾಡಿದ ಕೊಟ್ಟಿಗೆ ಗೊಬ್ಬರದ ಜೊತೆಗೆ ಸಮ ಪ್ರಮಾಣದಲ್ಲಿ ಕೂಡಿಸಿ ಮಣ್ಣಿನಲ್ಲಿ ಬೆರೆಸಬೇಕು. ಬಿತ್ತನೆ ಮಾಡಿದ 30 ದಿನಗಳ ನಂತರ 2 ಸಾಲುಗಳ ಮಧ್ಯ ಕಟ್ಟಿಗೆ ರೆಂಟೆಯಿಂದ ಹರಿಗಳನ್ನು ತೆಗೆಯುವುದರಿಂದ ಹೆಚ್ಚಿನ ತೇವಾಂಶ ಸಂಗ್ರಹಣೆಯಾಗಿ ಅಧಿಕ ಇಳುವರಿಯನ್ನು ಪಡೆಯಬಹುದು.

Transplanting

Transplanting:

ನಾಟಿ ಪದ್ಧತಿಯಲ್ಲಿ ತೊಗರಿ ಬಿತ್ತನೆ

ವಲಯ-1 ರಲ್ಲಿ ಮೇ ತಿಂಗಳ 2 ನೇ ವಾರದಲ್ಲಿ ಹಾಗೂ ವಲಯ 2 ರಲ್ಲಿ ಜೂನ್ ತಿಂಗಳ 2 ನೇ ವಾರದಲ್ಲಿ ತೊಗರಿಯ ಬೀಜಗಳನ್ನು ಪಾಲಿಥೀನ್ ಚೀಲದಲ್ಲಿ (5” x 4”) ಹಾಕಿ ಸಸಿಗಳನ್ನು ತಯಾರಿಸಿ 25-30 ದಿನಗಳ ಅವಧಿಯ ಸಸಿಗಳನ್ನು ಹದವಾಗಿ ಮಳೆಯಾದ ತಕ್ಷಣ ಅಥವಾ ತಡವಾಗಿ ಮಳೆ ಬಂದಲ್ಲಿ ಸಸಿ ಹಚ್ಚುವ ಸ್ಥಳದಲ್ಲಿ ನೀರು ಕೊಟ್ಟು ಬೆಳೆಯನ್ನು ಲಾಭದಾಯಕವಾಗಿ ಬೆಳೆಯಬಹುದು.

Nutrient management

ಸಾವಯವ ಗೊಬ್ಬರ

ಕೊಟ್ಟಿಗೆ ಗೊಬ್ಬರ ಅಥವಾ ಕಾಂಪೋಸ್ಟ್ 6 ಟನ್

ಅಥವಾ

ರಂಜಕಯುಕ್ತ ಕಾಂಪೋಸ್ಟ್ ಗೊಬ್ಬರ 2.5 ಟನ್

(ರಂಜಕಯುಕ್ತ ಕಾಂಪೋಸ್ಟ್ ಗೊಬ್ಬರ ಹಾಕುವುದರಿಂದ ಶೇ. 50 ರಷ್ಟು ರಾಸಾಯನಿಕ ಗೊಬ್ಬರಗಳನ್ನು ಉಳಿತಾಯ ಮಾಡಬಹುದು)

ರಾಸಾಯನಿಕ ಗೊಬ್ಬರಗಳು

ಸಾರಜನಕ	25 ಕಿ.ಗ್ರಾಂ
ರಂಜಕ	50 ಕಿ.ಗ್ರಾಂ
ಗಂಧಕ	20 ಕಿ.ಗ್ರಾಂ
ಪೋಟ್ಯಾಷ್ (ಕೆಂಪು ಮಣ್ಣಿಗೆ ಮಾತ್ರ)	125 ಕಿ.ಗ್ರಾಂ
ಸತುವಿನ ಸಲ್ಫೇಟ್	15 ಕಿ.ಗ್ರಾಂ

Weed management

ಕಳೆ ನಿಯಂತ್ರಣ

ಬಿತ್ತಿದ ದಿನ ಅಥವಾ ಮರುದಿನ ಪ್ರತಿ ಲೀಟರ್ ನೀರಿಗೆ 3 ಮಿ.ಲೀ. ಪೆಂಡಿಮಿಥೆಲಿನ್ ಅಥವಾ 2.2 ಮಿ.ಲೀ. ಅಲಾಕ್ಲೋರ್ ಕಳೆನಾಶಕವನ್ನು ಬೆರೆಸಿ ಸಿಂಪಡಿಸಬೇಕು. ಪ್ರತಿ ಹೆಕ್ಟೇರಿಗೆ 1000 ಲೀಟರ್ ಸಿಂಪರಣಾ ದ್ರಾವಣವನ್ನು ಬಳಸಬೇಕು. ಕಳೆನಾಶಕವನ್ನು ಸಿಂಪಡಿಸುವಾಗ ಮಣ್ಣಿನಲ್ಲಿ ಸಾಕಷ್ಟು ತೇವಾಂಶವಿರಬೇಕು ಅಥವಾ ಬಿತ್ತನೆ ಮಾಡಿದ 3 ವಾರಗಳ ನಂತರ (ಕಳೆಗಳು 3 ರಿಂದ 5 ಎಲೆಗಳ ಹಂತದಲ್ಲಿದ್ದಾಗ) ಪ್ರತಿ ಲೀಟರ್ ನೀರಿಗೆ 1.0 ಮಿ.ಲೀ. ಇಮ್ಯಾಝೆತಾಪೈರ್ ಕಳೆನಾಶಕವನ್ನು ಸಿಂಪಡಿಸಬೇಕು ಜೊತೆಗೆ ಬಿತ್ತನೆ ಮಾಡಿದ 6 ವಾರಗಳ ನಂತರ ಎರಡು ಸಾಲುಗಳ ಮಧ್ಯೆ ಸ್ಟ್ರೆಹುಡ್‍ನ್ನು ಉಪಯೋಗಿಸಿ ಪ್ರತಿ ಲೀಟರ್ ನೀರಿಗೆ 2.0 ಮಿ.ಲೀ. ಪ್ಯಾರಾಕ್ವಾಟ್ ಕಳೆನಾಶಕ ಬೆರೆಸಿ ಕಳೆಗಳ ಮೇಲೆ ಮಾತ್ರ ಸಿಂಪರಣೆ ಮಾಡಬೇಕು.

ಮಿಶ್ರ ಬೆಳೆಗಳಲ್ಲಿ ಕಳೆಗಳ ಹತೋಟಿ (ವಲಯ 1)

ತೊಗರಿ ಮೂಲಾಧಾರಿತ ಮಿಶ್ರ ಬೆಳೆ ಯೋಜನೆಗಳಾದ ತೊಗರಿ + ಉದ್ದು, ತೊಗರಿ + ಹೆಸರು, ತೊಗರಿ + ಜೋಳ, ತೊಗರಿ + ಎಳ್ಳು ಇವುಗಳಲ್ಲಿ ಬಿತ್ತಿದ ದಿನ ಅಥವಾ ಬಿತ್ತಿದ ಮರುದಿನ 2.7 ಮಿ.ಲೀ. ಪ್ಲುಕ್ಲೋರಾಲಿನ್ ಶೇ. 45 ಅಥವಾ 4 ಮಿ.ಲೀ. ಅಲಾಕ್ಲೋರ್ ಶೇ. 50 ನ್ನು ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ಮಣ್ಣಿನ ಮೇಲೆ ಸಿಂಪಡಿಸಬೇಕು. ಸಿಂಪರಣೆಯ ಸಮಯದಲ್ಲಿ ಮಣ್ಣು ಹುಡಿಯಾಗಿದ್ದು, ಸಾಕಷ್ಟು ತೇವದಿಂದ ಕೂಡಿರಬೇಕು. ಹೆಕ್ಟೇರಿಗೆ 1000 ಲೀಟರ್ ಸಿಂಪರಣಾ ದ್ರಾವಣ ಉಪಯೋಗಿಸಬೇಕು.

ಸೂಚನೆ

1. ಅನವಶ್ಯಕ ಬೆಳವಣಿಗೆಯನ್ನು ಕುಂಠಿತಗೊಳಿಸಲು ಬಿತ್ತಿದ 70 ದಿನಗಳ ನಂತರ 3 ಮಿ.ಲೀ. ಮೆಪಿಕ್ವಾಟ್ ಕ್ಲೋರೈಡ್‍ನ್ನು ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು.

2. ಮೊಗ್ಗು, ಹೂ ಮತ್ತು ಕಾಯಿ ಉದುರುವಿಕೆ ತಡೆಗಟ್ಟಲು ಬೆಳೆಯು ಮೊಗ್ಗು ಹಂತದಲ್ಲಿದ್ದಾಗ 20 ಪಿಪಿಎಂ (100 ಲೀ. ನೀರಿನಲ್ಲಿ 2 ಮಿ.ಲೀ. ಎನ್‍ಎಎ ಬೆರೆಸುವುದು) ನ್ಯಾಪ್ತಲೀನ್ ಅಸಿಟಿಕ್ ಅಸಿಡ್ ಆಮ್ಲವನ್ನು 15 ದಿನಗಳ ಅಂತರದಲ್ಲಿ 3 ಬಾರಿ ಸಿಂಪಡಿಸಬೇಕು.

3. ತೊಗರಿ ಇಳುವರಿ ಹೆಚ್ಚಿಸಲು ಟ್ರೈಕಾಂಟಿನಾಲ್ ಸಸ್ಯವರ್ಧಕವನ್ನು ಪ್ರತಿ ಲೀಟರ್ ನೀರಿಗೆ 0.5 ಮೀ. ಬೆರೆಸಿ ಬೆಳೆ ಹೂವಾಡುವಾಗ (ಬಿತ್ತಿದ 75 ದಿನಗಳ ನಂತರ) ಹಾಗೂ ಕಾಯಿ ಕಟ್ಟುವಾಗ (ಬಿತ್ತಿದ 90 ದಿನಗಳ ನಂತರ) ಸಿಂಪಡಿಸಬೇಕು.

Disease management

ರೋಗಗಳು
1	ನೆಟೆ ರೋಗ/ ಸಿಡಿ ರೋಗ/ ಸೊರಗು ರೋಗ	ರೋಗ ಬಾಧಿತ ಗಿಡದ ಎಲೆಗಳು ಹಳದಿಯಾಗಿ. ಬಾಡಿ ಜೋತು ಬಿದ್ದು ಒಣಗಿ ಉದುರದೆ ಗಿಡಕ್ಕೆ ಅಂಟಿಕೊಂಡಿರುತ್ತವೆ. ಗಿಡದ ಬೇರುಗಳೂ ಪೂರ್ತಿಯಾಗಿದ್ದು ಕೊಳೆಯದೆ ಆರೋಗ್ಯವಾಗಿರುವಂತೆ ಕಾಣುತ್ತವೆ. ಕಾಂಡವನ್ನು ಉದ್ದವಾಗಿ ಸೀಳಿ ನೋಡಿದಾಗ ನೀರು ಸಾಗಾಣಿಕೆಯ ಅಂಗಾಂಶವು ಕಪ್ಪಾಗಿರುವುದು ನಿಖರವಾಗಿ ಕಂಡು ಬರುತ್ತದೆ. ತಂಪಾದ ವಾತಾವರಣದಲ್ಲಿ ಒಣಗಿದ ಗಿಡದ ಕಾಂಡದ ಮೇಲೆ ಗುಲಾಬಿ ಬಣ್ಣದ ಶಿಲೀಂದ್ರದ ಬೆಳೆವಣಿಗೆ ಕಾಣಿಸುವುದು ಅರ್ಧ ಸಿಡಿಯಾದ ಗಿಡದ ಕಾಂಡದ ಮೇಲೆ ಕಂದು ಅಥವಾ ಕಡು ನೇರಳೆ ಬಣ್ಣದ ಪಟ್ಟಿಗಳು ಭೂಮಿಯ ಮಟ್ಟದಿಂದ ಮೇಲಕ್ಕೆ ಹಬ್ಬಿರುವುದು ಕಂಡು ಬರುವುದು. ಈ ರೋಗವು ಶೇ. 10-80 ರಷ್ಟು ಹಾನಿಮಾಡುತ್ತದೆ.	ಪ್ರತಿ ಕಿ.ಗ್ರಾಂ ಬೀಜಕ್ಕೆ 2 ಗ್ರಾಂ ಕ್ಯಾಪ್ಟಾನ್ 80 ಡಬ್ಲೂ.ಪಿ ಅಥವಾ ಥೈರಾಮ್ 75 ಡಬ್ಲೂ.ಪಿ ಅಥವಾ 2.5 ಗ್ರಾಂ ಕಾರ್ಬಾಕ್ಸಿನ್ 75 ಡಬ್ಲೂ.ಪಿ ಅಥವಾ 4 ಗ್ರಾಂ ಟ್ರೈಕೋಡರ್ಮಾ ಜೈವಿಕ ಶಿಲೀಂಧ್ರದಿಂದ ಬೀಜೋಪಚಾರ ಮಾಡಬೇಕು. ರೋಗ ಪೀಡಿತ ಗಿಡಗಳನ್ನು ಕಿತ್ತು ನಾಶ ಮಾಡಬೇಕು. ಸೊರಗು ರೋಗ ಪೀಡಿತ ಕ್ಷೇತ್ರದಲ್ಲಿ ಮಾರುತಿ, ಆಶಾ ಅಥವಾ ಡಬ್ಲು ಆರ್ ಪಿ-1 ತಳಿಗಳನ್ನು ಬಿತ್ತನೆಗೆ ಉಪಯೋಗಿಸಬೇಕು. ಜೋಳ ಅಥವಾ ಮುಸುಕಿನ ಜೋಳ ಮತ್ತು ತೊಗರಿ ಮಿಶ್ರ/ಅಂತರ ಬೆಳೆಯಲ್ಲಿ ಸೊರಗು ರೋಗ ಬಾಧೆ ಕಡಿಮೆ.
2.	ಗೊಡ್ಡು ರೋಗ	ರೋಗ ಬಂದ ಗಿಡಗಳು ಸಣ್ಣ ಗಾತ್ರದ, ಮೇಲ್ಭಾಗದಲ್ಲಿ ತಿಳಿ ಮತ್ತು ದಟ್ಟ ಹಳದಿ ಬಣ್ಣದ ಮೋಜಾಯಿಕ್ ತರಹದ ಮಚ್ಚೆಗಳನ್ನು ಹೊಂದಿ ಮುಟುರಿಕೊಂಡಿರುವ, ಹೆಚ್ಚಿನ ಸಂಖ್ಯೆಯ ಎಲೆಗಳನ್ನು ಹೊಂದಿ ಹೂ ಕಾಯಿಗಳಿಲ್ಲದೆ ಗೊಡ್ಡಾಗಿ ಉಳಿಯುತ್ತವೆ. ಬೆಳೆಯ ಎಳೆಯ ವಯಸ್ಸಿನಲ್ಲಿ ಈ ರೋಗ ಬಂದರೆ ಕಾಂಡವು ಉದ್ದವಾಗಿ ಬೆಳೆಯದೆ ಸಣ್ಣ ಟೊಂಗೆಗಳು ಹಾಗೂ ತಿಳಿ ಹಳದಿ ಬಣ್ಣದ ಚಿಕ್ಕ ಗಾತ್ರದ ಮುಟುರಿಕೊಂಡಿರುವ ಎಲೆಗಳ ಗುಂಪಿನಿಂದ ಕೂಡಿ ಕಂಟಿಯಂತಾಗಿ ಗೊಡ್ಡು ಆಗುವುದು. ಈ ರೋಗವು ಶೇ. 30 ರಷ್ಟು ಹಾನಿ ಮಾಡುತ್ತದೆ.	ರೋಗ ಬಂದ ಗಿಡಗಳನ್ನು ಕಿತ್ತು ನಾಶಮಾಡಬೇಕು. ರೋಗಾಣುವಿನ ಆಸರೆ ಸಸ್ಯಗಳಾದ ಬಹುವಾರ್ಷಿಕ ತೊಗರಿ ಮತ್ತು ಕೊಳೆ ತೊಗರಿ ಬೆಳೆಯನ್ನು ಕಿತ್ತು ನಾಶಮಾಡಬೇಕು. ನುಶಿ ನಾಶಕಗಳಾದ ಡಿಕೋಫಾಲ್ 18.5 ಇ.ಸಿ ಪ್ರತಿ ಲೀ. ನೀರಿಗೆ 2.5 ಮಿ.ಲೀ. ಅಥವಾ ಆಕ್ಸಿಡೆಮಟಾನ್ ಮಿಥೈಲ್ 50 ಇಸಿ ಪ್ರತಿ ಲೀಟರ್ ನೀರಿಗೆ 1.5 ಮಿ.ಲೀ. ಬೆರೆಸಿ ಬೆಳೆಯ ಮೇಲೆ ಸಿಂಪರಿಸಿ ರೋಗವಾಹಕ ನುಶಿಗಳ ನಿಯಂತ್ರಣ ಮಾಡಬೇಕು. ರೋಗ ಪೀಡಿತ ಕ್ಷೇತ್ರದಲ್ಲಿ ರೋಗ ನಿರೋಧಕ ತಳೀ ಐಸಿಪಿಎಲ್-87119 (ಆಶಾ) ಬಿತ್ತನೆ ಮಾಡಬೇಕು.
3.	ಫೈಟೊಪ್ತೆರಾ ಮಚ್ಚೆ ರೋಗ	ರೋಗಕ್ಕೆ ತುತ್ತಾದ ಎಳೆ ಸಸಿಗಳ ಬೆಳೆಯುವ ತುದಿ ಕೊಳತು, ನಾಶವಾಗಿ ಭೂಮಿಯ ಮೇಲೆ ಬೀಳುವವು ರೋಗಬಂದ ಗಿಡದ ಎಲೆಗಳ ಮೇಲೆ ನೀರಿನಿಂದ ನೆನೆದಂತಹ ಮಚ್ಚೆಗಳು ಕಾಣಿಸಿಕೊಂಡು ನಂತರ ನಾಶಹೊಂದಿದ ಭಾಗಗಳಾಗಿ ಪರಿವರ್ತನೆ ಹೊಂದುವವು. ಮುಖ್ಯಕಾಂಸ, ಟೊಂಗೆಗಳು ಮತ್ತು ಎಲೆಯ ತೊಟ್ಟಿನ ಮೇಲೆ ಕಂದು ಬಣ್ಣದಿಂದ ಕಡುಕಂದು ಬಣ್ಣದ ಮಚ್ಚೆಗಳು ಕಾಣಿಸುವವು. ಕಾಂಡದ ಮೇಲಿನ ಮಚ್ಚೆಗಳ ಭಾಗದಲ್ಲಿ ತಗ್ಗುಗಳಾಗಿ ಕಾಂಡವು ಮುರಿದು ಬೀಳುವುದು ಮತ್ತು ಮಚ್ಚೆಗಳ ಕೊನೆಯಲ್ಲಿ ಉಬ್ಬಿ ಕಜ್ಜಿಯ ಆಕಾರ ಹೊಂದುವುದು. ಈ ರೋಗವು ಕಡಿಮೆ ಪ್ರಮಾಣದಲ್ಲಿ ಬರುತ್ತಿದ್ದು, ಶೇ. 5 ರಿಂದ 10 ರಷ್ಟು ಹಾನಿಮಾಡುತ್ತದೆ.	ಪ್ರತಿ ಕಿ.ಗ್ರಾಂ ಬೀಜಕ್ಕೆ 4 ಗ್ರಾಂ ಮೆಟಲಾಕ್ಸಿಲ್ ಎಮ್.ಝಡ್ 72 ಡಬ್ಲೂಪಿ ಶಿಲೀಂಧ್ರನಾಶಕದಿಂದ ಬೀಜೋಪಚಾರ ಮಾಡಬೇಕು. ಹೊಲದಲ್ಲಿ ನಿಂತ ನೀರನ್ನು ಬಸಿದು ಹೋಗುವಂತೆ ಮಾಡಬೆಕು. ರೋಗ ಬಂದ ಗಿಡಗಳನ್ನು ಕಿತ್ತು ನಾಶಮಾಡಬೇಕು. ಬೇಸಿಗೆಯಲ್ಲಿ ಆಳವಾಗಿ ಮಾಡುವುದು ಸೂಕ್ತ.
4.	ಎಲೆ ಚುಕ್ಕೆ ರೋಗ	ಸಣ್ಣ ಗೋಲಾಕಾರದ ಕಂದು ಬಣ್ಣದ ಚುಕ್ಕೆಗಳು ಎಲೆಯ ಮೇಲೆ ಕಂಡು ಬರುತ್ತವೆ. ನಂತರ ಈ ಚುಕ್ಕೆಗಳ ಸಂಖ್ಯೆ ಮತ್ತು ಗಾತ್ರದಲ್ಲಿ ಬೆಳೆದು ಒಂದನ್ನೊಂದು ಕೂಡಿಕೊಂಡು ಎಲೆಯ ಬಹುಭಾಗವನ್ನು ಆವರಿಸುವವು. ರೋಗದ ತೀವ್ರತೆ ಹೆಚ್ಚಿದಾಗ ಎಲೆಗಳು ಸಸ್ಯದಿಂದ ಉದುರಿ ಎಲೆ ರಹಿತವನ್ನಾಗಿ ಮಾಡುವವು. ಈ ರೋಗವು ಕಡಿಮೆ ಪ್ರಮಾಣದಲ್ಲಿ ಬರುತ್ತಿದ್ದು, ಪ್ರತಿಶತ 5-10 ರಷ್ಟು ಹಾನಿ ಮಾಡುತ್ತದೆ.	ಪ್ರತಿ ಕಿ.ಗ್ರಾಂ ಬೀಜಕ್ಕೆ 2 ಗ್ರಾಂ ಕ್ಯಾಪ್ಟಾನ್ 80 ಡಬ್ಲುಪಿ ಅಥವಾ ಥೈರಾಮ್ 75 ಡಬ್ಲೂ.ಪಿ ದಿಂದ ಬೀಜೋಪಚಾರ ಮಾಡಬೇಕು.
5.	ಕೋಶ ಜಂತು ರೋಗ	ರೋಗ ಪೀಡಿತ ಸಸಿ/ಸಸ್ಯಗಳು ಸ್ವಲ್ಪ ಗಿಡ್ಡದಾಗಿರುತ್ತವೆ. ಮೇಲ್ನೋಟಕ್ಕೆ ಬೇರೆ ಯಾವ ಲಕ್ಷಣಗಳನ್ನು ರೋಗ ಪೀಡಿತ ಗಿಡಗಳು ತೋರಿಸುವುದಿಲ್ಲ. ಬೆಳೆಯಲ್ಲಿ ಮೇಲ್ಮೈ ಏರಿಳಿತಗಳನ್ನು ಕಾಣಬಹುದು. ಸುಮಾರು 40-45 ದಿನಗಳ ಗಿಡವನ್ನು ಬೇರು ಸಮೇತವಾಗಿ ನಿಧಾನವಾಗಿ ಕಿತ್ತು ಬೇರನ್ನು ಸೂಕ್ಷ್ಮವಾಗಿ ಪರೀಕ್ಷಿಸಿದರೆ, ಬೇರಿನ ಮೇಲೆ ಅಲ್ಲಲ್ಲಿ, ಬಿಳಿ ಮುತ್ತಿನಂತಹ ಜಂತಿನ ಕೋಶಗಳು ಬರಿಗಣ್ಣಿಗೆ ಕಾಣಿಸುತ್ತವೆ. ಇದರಿಂದ ಈ ರೋಗವನ್ನು ನಿಖರವಾಗಿ ಗುರುತಿಸಬಹುದು.	ಪ್ರತಿ ಕಿ.ಗ್ರಾಂ ಬೀಜಕ್ಕೆ 50 ಗ್ರಾಂ ಬೇವಿನ ಬೀಜದ ಪುಡಿ ಲೇಪನ ಮಾಡಿ ಬಿತ್ತುವುದರಿಂದ ಈ ರೋಗವನ್ನು ಹತೋಟಿ ಮಾಡಬಹುದು.

ಮೆಣಸಿನಕಾಯಿ ಮತ್ತು ಬೆಳ್ಳುಳ್ಳಿ ಕಷಾಯ ತಯಾರಿಸುವ ವಿಧಾನ

2.5 ಕಿ.ಗ್ರಾಂ ಬೆಳ್ಳುಳ್ಳಿಯನ್ನು 250 ಮಿ.ಲೀ. ಸೀಮೆ ಎಣ್ಣೆಯಲ್ಲಿ ನೆನೆಸಿ ರುಬ್ಬಿ 2 ಲೀಟರ್ ದ್ರಾವಣ ಹಾಗೂ 5 ಕಿ.ಗ್ರಾಂ ಮೆಣಸಿನಕಾಯಿಯನ್ನು ರುಬ್ಬಿ 3 ಲೀಟರ್ ದ್ರಾವಣ ತಯಾರಿಸಬೇಕು. ಎರಡು ದ್ರಾವಣಗಳನ್ನು ಒಂದು ಸಾವಿರ ಲೀಟರ್ ನೀರಿನಲ್ಲಿ ಬೆರೆಸಿ ಒಂದು ಹೆಕ್ಟೇರ್ ಕ್ಷೇತ್ರದಲ್ಲಿನ ಬೆಳೆಗೆ ಸಿಂಪರಣೆಗಾಗಿ ಉಪಯೋಗಿಸಬೇಕು.

ಬೇವಿನ ಬೀಜದ ಕಷಾಯ ತಯಾರಿಸುವ ವಿಧಾನ

50 ಕಿ.ಗ್ರಾಂ ಪುಡಿ ಮಾಡಿದ ಬೇವಿನ ಬೀಜವನ್ನು ಬಟ್ಟೆಯಲ್ಲಿ ಕಟ್ಟಿ ನೀರಿನಲ್ಲಿ 10 ಗಂಟೆಗಳ ಕಾಲ ನೆನೆಸಿಡಬೇಕು. ಈ ದ್ರಾವಣಕ್ಕೆ 250 ಗ್ರಾಂ ಸಾಬೂನಿನ ಪುಡಿಯನ್ನು ಬೆರೆಸಿ ಒಂದು ಸಾವಿರ ಲೀಟರ್ ನೀರಿನಲ್ಲಿ ಬೆರೆಸಿ ಒಂದು ಹೆಕ್ಟೇರ್ ಕ್ಷೇತ್ರದಲ್ಲಿನ ಬೆಳೆಗೆ ಸಿಂಪಡಿಸಬೇಕು.

Insect pest management

ಕ್ರ.ಸಂ.	ಪೀಡೆಕೀಟಗಳು	ಲಕ್ಷಣ ಮತ್ತು ಹಾನಿ	ನಿರ್ವಹಣಾ ಕ್ರಮಗಳು
1.	ಕಾಯಿಕೊರಕ (ಹೆಲಿಕೋವರ್ಪಾ)	ಮೊಟ್ಟೆಗಳನ್ನು ಬಿಡಿ ಬಿಡಿಯಾಗಿ ಇಡುತ್ತದೆ. ಹಳದಿ ಬಣ್ಣದ ತತ್ತಿಗಳು ದುಂಡಾಗಿದ್ದು, ಸುತ್ತಲೂ ಮೇಲಿಂದ ಕೆಳಗಿನವರೆಗೆ ದಿಂಡುಗಳಿಂದ ಕೂಡಿರುತ್ತವೆ. ಮರಿ ಹುಳುಗಳು ಪ್ರಾರಂಭದಲ್ಲಿ ಹಸಿರು ಭಾಗವನ್ನು ಕೆರೆದು ತಿನ್ನುತ್ತಾ ನಂತರ ಹೂವು, ಮೊಗ್ಗು ಮತ್ತು ಕಾಯಿಗಳನ್ನು ಕೊರೆಯುತ್ತವೆ. ಮೊಗ್ಗು ಮತ್ತು ಹೂಗಳನ್ನು ಕೊರೆಯುವುದರಿಂದ ಅವು ಉದುರಿ ಕಾಯಿ ಕಟ್ಟುವುದು ಕಡಿಮೆಯಾಗುತ್ತದೆ. ಬಲಿತ ಹುಳುಗಳು ದೇಹದ ಅರ್ಧ ಭಾಗವನ್ನು ಕಾಯಿಯೊಳಗೆ ತೂರಿಸಿ ಕಾಯಿತಿನ್ನುವುದು ಸಾಮಾನ್ಯ ಈ ಕೀಡೆಯು ತೊಗರಿಯಲ್ಲಿ ಶೇ. 50-70 ರಷ್ಟು ಹಾನಿ ಮಾಡುತ್ತದೆ. ಬಾಧಿತ ಕಾಯಿಗಳಲ್ಲಿ ರಂಧ್ರವನ್ನು ಕಾಣಬಹುದು.	ಶೇ. 25-50 ರಷ್ಟು ಹೂ ಬಿಡುವ ಸಮಯದಲ್ಲಿ ಪ್ರತಿ ಗಿಡದಲ್ಲಿ 2 ತತ್ತಿ ಅಥವಾ ಒಂದು ಕೀಡೆ ಕಾಣಿಸಿಕೊಂಡರೆ ಮೊದಲನೆ ಸಿಂಪರಣೆಯಾಗಿ ತತ್ತಿ ನಾಶಕಗಳಾದ ಥೈಯೋಡಿಕಾರ್ಬ 75 ಡಬ್ಲೂ.ಪಿ. 0.6 ಗ್ರಾಂ. ಅಥವಾ 2. ಮಿ.ಲೀ. ಪ್ರೋಪೆನೋಫಾಸ್ 50 ಇ.ಸಿ. ಅಥವಾ 0.6 ಗ್ರಾಂ ಮಿಥೋಮಿಲ್ 40 ಎಸ್.ಪಿ. ಯನ್ನು ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು. ಎರಡನೇ ಸಿಂಪರಣೆಯಾಗಿ: ಶೇ. 5ರ ಬೇವಿನ ಬೀಜದ ಕಷಯ ಅಥವಾ ಮೆಣಸಿನಕಾಯಿ (0.5%) ಮತ್ತು ಬೆಳ್ಳುಳ್ಳಿ (0.25%) ಕಷಾಯ ಬಳಸಬೇಕು. ಬೇವಿನ ಬೀಜದ ಲಭ್ಯತೆ ಇಲ್ಲದಿದ್ದಲ್ಲಿ ಬೇವಿನ ಬೀಜ ಮೂಲ ಕೀಟನಾಶಕಗಳನ್ನು ಪ್ರತಿ ಲೀ. ನೀರಿಗೆ 2 ಮಿ.ಲೀ. ನಂತೆ ಉಪಯೋಗಿಸಬಹುದು. ಮೂರನೆ ಸಿಂಪರಣೆಯಾಗಿ ಹೆಲಿಕೋವರ್ಪಾ ಎನ್.ಪಿ.ವಿ ನಂಜಾಣವನ್ನು ಹೆಕ್ಟೇರಿಗೆ 250 ಎಲ್. ಇ.ಯಂತೆ ಅಂದರೆ ಪ್ರತಿ ಲೀಟರ್ ನೀರಿಗೆ 0.75 ಮಿ.ಲೀ. ನಂತೆ ಬೆರೆಸಿ ಸಿಂಪಡಿಸಿ. ಒಂದು ಹೆಕ್ಟೇರಿಗೆ ಬೇಕಾದ ಸಿಂಪರಣಾ ದ್ರಾವಣಕ್ಕೆ 250 ಗ್ರಾಂ ನೀಲಿ ಪುಡಿ ಮತ್ತು 1250 ಗ್ರಾಂ ಬೆಲ್ಲ ಸೇರಿಸಿ ಸಿಂಪರಣೆಯನ್ನು ಸಾಧ್ಯವಾದಷ್ಟು ಬೆಳಗಿನ ಜಾವ ಅಥವಾ ಸಾಯಂಕಾಲ ಮಾಡುವುದು ಸೂಕ್ತ. ಎನ್.ಪಿ.ವಿ. ಬಾಧೆಗೊಳಗಾದ ಹೆಲಿಕೋವರ್ಪಾ ಕೀಟಗಳು ತಲೆ ಕೆಳಗಾಗಿ ಗಿಡಕ್ಕೆ ಅಂಟಿಕೊಂಡು ಜೋತಾಡುತ್ತಿರುತ್ತವೆ. ಹೀಗೆ ಎನ್.ಪಿ.ವಿ. ನಂಜಾಣುವಿನಿಂದ ಸತ್ತ ಸುಮಾರು 750 ಕೀಡೆಗಳನ್ನು ಅರೆದು ಅದರಿಂದ ಬಂದ ರಸವನ್ನು ಮತ್ತೊಮ್ಮೆ ಒಂದು ಹೆಕ್ಟೇರ್‍ಗೆ ಸಿಂಪರಣೆಯಾಗಿ ಉಪಯೋಗಿಸಬಹುದು. ನಾಲ್ಕನೆ ಸಿಂಪರಣೆಗಾಗಿ 0.15 ಮಿ.ಲೀ. ರೆನಾಕ್ಸಿಪಿಯರ್ 20 ಎಸ್.ಸಿ ಅಥವಾ 0.075 ಮಿ.ಲೀ. ಫ್ಲೂಬೆಂಡಿಯಾಮೈಡ್ 480 ಎಸ್.ಸಿ ಅಥವಾ 0.2 ಗ್ರಾಂ ಇಮಾಮೆಕ್ಟಿನ್ ಬೆಂಜೋಯೇಟ್ 0.5 ಎಸ್.ಜಿ.ಅಥವಾ 0.3 ಮಿ.ಲೀ. ಇಂಡಾಕ್ಸಿಕಾರ್ಬ 14.5 ಎಸ್.ಸಿ. ಅಥವಾ 0.1 ಮಿ.ಲೀ. ಸ್ಫೈನೊಸಾಡ್ 45 ಎಸ್.ಸಿ. ಅಥವಾ 0.75 ಮಿ.ಲೀ. ನೊವಲ್ಯುರಾನ್ 10 ಇ.ಸಿ. ಅಥವಾ 1 ಮಿ.ಲೀ. ಮೊನೊಕ್ರೋಟೊಫಾಸ್ 36 ಎಸ್.ಎಲ್ ಅಥವಾ 2.5 ಮಿ.ಲೀ. ಕ್ಲೋರ್‍ಪೈರಿಫಾಸ್ 20 ಇ.ಸಿ. ಅಥವಾ 2. ಮಿ.ಲೀ. ಕ್ವಿನಾಲ್‍ಫಾಸ್ ಪ್ರತಿ ಲೀಟರ್ ನೀರಿನಲ್ಲಿ ಬಎರೆಸಿ ಸಿಂಪಡಿಸಿರಿ. ಹೆಕ್ಟೇರಿಗೆ 1000 ಲೀಟರ್ ಸಿಂಪರಣಾ ದ್ರಾವಣವನ್ನು ಬಳಸಿ. ಅವಶ್ಯಕತೆ ಕಂಡು ಬಂದಲ್ಲಿ ಐದನೇ ಸಿಂಪರಣೆಗಾಗಿ 0.5 ಮಿ..ಲೀ. ಫೆನ್‍ವಲರೇಟ್ 20 ಇ.ಸಿ. ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಿರಿ ಅಥವಾ ನೀರಿನ ಅಭಾವವಿರುವ ಕಡೆ ಧೂಳಿಕರಣಕ್ಕಾಗಿ ಅನುಕ್ರಮವಾಗಿ ಕ್ವಿನಾಲ್‍ಫಾಸ್ ಶೇ. 1.5 ಅಥವಾ ಮೆಲಾಥಿಯಾನ್ ಶೇ. 5ರ ಪುಡಿಯನ್ನು ಹೆಕ್ಟೇರಿಗೆ 25 ಕಿ.ಗ್ರಾಂ ನಂತೆ ಬಳಸಬೇಕು. ಮೇಲೆ ಶಿಫಾರಸ್ಸು ಮಾಡಿದ ರಾಸಾಯನಿಕ ಕೀಟನಾಶಕಗಳ ಜೊತೆ ಪುಂಡಿ ಅಥವಾ ಎಳ್ಳೆಣ್ಣೆಯನ್ನು 1:1 ರ ಪ್ರಮಾಣದಲ್ಲಿ ಬೆರೆಸಿ ಸಿಂಪಡಿಸಿ.
2.	ಚುಕ್ಕೆ ಕಾಯಿಕೊರಕ/ ಬಲೆ ಕಟ್ಟುವ ಕೀಟ	ಬೆಳೆಯ ಮೊಗ್ಗು ಹಾಗೂ ಹೂವು ಬಿಡುವ ಹಂತದಲ್ಲಿದ್ದಾಗ ಕೀಟದ ಮರಿ, ಹೂ-ಮೊಗ್ಗು ಹಾಗೂ ಎಲೆಗಳನ್ನು ಕೂಡಿಸಿ ಬಲೆಯನ್ನು ಕಟ್ಟುತ್ತದೆ. ನಂತರ ಬಲೆಯೊಳಗೆ ಇದ್ದು ತಿನ್ನುವುದರಿಂದ ಇಳುವರಿ ಕಡಿಮೆ ಆಗುತ್ತದೆ.	ಬೆಳೆಯು ಮೊಗ್ಗು ಹಾಗೂ ಹೂ ಬಿಡುವ ಸಮಯದಲ್ಲಿದ್ದಾಗ 2.0 ಮಿ.ಲೀ. ಪ್ರೊಫೆನೊಫಾಸ್ 50 ಇ.ಸಿ. ಹಾಗೂ 0.5 ಮಿ.ಲೀ. ಡಿ.ಡಿ.ವಿ.ಪಿ. 76 ಇ.ಸಿ. ಪ್ರತಿ ಲೀಟರ್ ನೀರಿಗೆ ಬೆರೆಸಿ ಸಿಂಪಡಿಸಬೇಕು.
3.	ಕಾಯಿ ನೊಣ	ಬೆಳೆಯು ಕಾಯಿಯಾಗುವ ಹಂತದಲ್ಲಿದ್ದಾಗ ಕಾಯಿಯ ಒಳಪದರಿನಲ್ಲಿಟ್ಟ ತತ್ತಿಯಿಂದ ಹೊರಬಂದ ನೊಣದ ಮರಿಗಳು ಕಾಳು ತಿನ್ನುವುದರಿಂದ ಕಾಳು ತುಂಡಾಗಿ ಇಳುವರಿ ಕಡಿಮೆಯಾಗುತ್ತದೆ.	0.6 ಗ್ರಾಂ ಮಿಥೋಮಿಲ್ 40 ಎಸ್.ಪಿ + ಬೆಲ್ಲ 10 ಗ್ರಾಂ/ಲೀ. ನೀರಿಗೆ ಬೆರೆಸಿ ಕಾಯಿ ಕಟ್ಟುವ ಹಂತದಲ್ಲಿ ಹಾಗೂ 15 ದಿನಗಳ ನಂತರ 0.2 ಗ್ರಾಂ ಥಯಾಮಿಥಾಕ್ಸಾಮ್ 25 ಡಬ್ಲೂ.ಜಿ. + 10 ಗ್ರಾಂ ಬೆಲ್ಲ ಪ್ರತಿ ಲೀಟರ್ ನೀರಿಗೆ ಬೆರೆಸಿ ಸಿಂಪಡಿಸಬೇಕು.

Harvesting & Threshing

ಕಟಾವು ಮತ್ತು ಒಕ್ಕಣೆ

ವಾಣಿಜ್ಯ ಹಾಗೂ ಬೀಜೋತ್ಪಾದನಾ ಕ್ಷೇತ್ರದಲ್ಲಿ ಸಂಯುಕ್ತ ಕಟಾವು ಹಾಗೂ ಒಕ್ಕಣೆ ಯಂತ್ರವನ್ನು ಬಳಸುವುದರಿಂದ ಕಾಳು/ಬೀಜ ಗುಣ ಲಕ್ಷಣಗಳಿಗೆ ಯಾವುದೇ ರೀತಿಯಲ್ಲಿ ಹಾನಿಯಾಗುವುದಿಲ್ಲ ಹಾಗೂ ಆರ್ಥಿಕವಾಗಿ ಹೆಚ್ಚಿನ ಲಾಭವನ್ನು ಪಡೆಯಬಹುದು. ಇದಲ್ಲದೇ ಈ ರೀತಿ ಪಡೆದಂತಹ ಬೀಜವನ್ನು 9 ತಿಂಗಳವರೆಗೆ ಶೇಖರಿಸಿದರೂ ಸಹ ಗುಣಮಟ್ಟದಲ್ಲಿ ಯಾವುದೇ ವ್ಯತ್ಯಾಸ ಕಂಡುಬರುವುದಿಲ್ಲ.

Yield

ಇಳುವರಿ

ಹೆಕ್ಟೇರಿಗೆ 10-12 ಕ್ವಿಂಟಾಲ್ ಇಳುವರಿ ಪಡೆಯಬಹುದು.

4170 reads

Package of practices of Bengalgram

Submitted by naipagropediaraichur on Mon, 04/06/2012 - 12:52

Posted in

Introduction

ಕಡಲೆ

ಕಡಲೆಯು ಉತ್ತರ ಕರ್ನಾಟಕದ ಮುಖ್ಯವಾದ ಹಿಂಗಾರು ದ್ವಿದಳ ಧಾನ್ಯದ ಬೆಳೆಯಾಗಿದೆ. ಇದನ್ನು ಹೆಚ್ಚಾಗಿ ಆಳವಾದ ಕಪ್ಪು ಮಣ್ಣಿನಲ್ಲಿ ಬೆಳೆಯಲಾಗುತ್ತಿದೆ.

Varieties

ತಳಿಗಳ	ವಲಯ ಮತ್ತು ಸನ್ನಿವೇಶ	ಬಿತ್ತನೆ ಕಾಲ	ಅವಧಿ (ದಿನಗಳು)/ ವಿಶೇಷತೆ
ಅಣ್ಣಿಗೇರಿ-1	1,2,3, ಮತ್ತು ೮ ಮಳೆಯಾಶ್ರಿತ	ಅಕ್ಟೋಬರ್‌ -ನವೆಂಬರ್‌	90-95/ಅಧಿಕ ಇಳುವರಿ ಹಾಗೂ ಬರ ನಿರೋಧಕ ತಳಿ
ಐಸಿಸಿವಿ-10	-ಸದರ-	-ಸದರ-	95-100/ ಸಿಡಿ ರೋಗ ನಿರೋಧಕ ತಳಿ
ಜಿಬಿಎಸ್‌-964	1 ಮತ್ತು 2	ಸದರ	90-95/ ಅಧಿಕ ಇಳುವರಿ ಹಾಗೂ ಆಕರ್ಷಕ ಬೀಜ
ಐಸಿಸಿವಿ-2 (ಕಾಬೂಲಿ)	8, ಮಳೆಯಾಶ್ರಿತ	-ಸದರ-	70-75/ ಅಲ್ಫಾವಧಿ, ಕಾಬೂಲಿ ತಳಿ (ಬಿಳಿ)
ಜೆಜಿ-11	ಕಡಲೆ ಬೆಳೆಯುವ ಪ್ರದೇಶ	-ಸದರ-	90- 100/ ದಪ್ಪ ಕಾಳು, ಸಿಡಿ ರೋಗ ನಿರೋಧಕ ತಳಿ
ಈಜಿಡಿ-103	8, ಮಳೆಯಾಶ್ರಿತ	-ಸದರ-	90-95 ದಪ್ಪ ಕಾಳಿನ ದೇಶಿ ತಳಿ
ಬಿಜಿ-1105	1,2,8	-ಸದರ-	100 -105 ದಪ್ಪ ಕಾಳಿನ ಕಾಬೂಲಿ ತಳಿ

Seed & Sowing

ಬಿತ್ತನೆಗೆ ಬೇಕಾಗುವ ಸಾಮಗ್ರಿಗಳು (ಪ್ರತಿ ಹೆಕ್ಟೇರಿಗೆ)

ಬೀಜ 62.5 ಕಿ.ಗ್ರಾಂ

ಬಿತ್ತನೆ : ಭೂಮಿಯನ್ನು 2-3 ಸಲ ಚೆನ್ನಾಗಿ ಉಳುಮೆ ಮಾಡಿ, 30 ಸೆಂ. ಮೀ. ಅಂತರದ ಸಾಲುಗಳಲ್ಲಿ ಬಿತ್ತನೆಮಾಡಬೇಕು ಬಿತ್ತುವಾಗ ಶಿಫಾರಸಿದ ಎಲ್ಲ ರಸಗೊಬ್ಬರಗಳನ್ನು ಕೊಡಬೇಕು. ಬೀಜದಿಂದ ಬೀಜಕ್ಕೆ 8-10 ಸೆಂ.ಮೀ. ಇರುವಂತೆ ಬಿತ್ತನೆ ಮಾಡಬೇಕು. ಬೀಜದ ಸಾಲು ರಾಸಾಯನಿಕ ಗೊಬ್ಬರದಿಂದ 7.5 ಸೆಂ.ಮೀ. ಅಂತರದಲ್ಲಿರಬೇಕು. ರೈಜೋಬಿಯಂ ಹಾಗೂ ರಂಜಕ ಕರಗಿಸುವ ಅಣುಜೀವಿಗಳಿಂದ ಬೀಜಗಳನ್ನು ಉಪಚರಿಸಿ ಬಿತ್ತಬೇಕು.

Nutrient management

ಜೈವಿಕ ಗೊಬ್ಬರಗಳು

ರೈಜೋಬಿಯಂ

ವಲಯ 1 ಮತ್ತು 2 : ಜಿಆರ್‌-2 ತಳಿ 1250 ಗ್ರಾಂ

ವಲಯ 3 ಜಿಆರ್‌-4 ತಳಿ

ರಂಜಕ ಕರಗಿಸುವ ಅಣುಜೀವಿ ಗೊಬ್ಬರ 1250 ಗ್ರಾಂ

(ವಲಯ 1 ಮತ್ತು 2 ಸೂಡೋಮೋನಾಸ್‌ ಸ್ಟ್ರೈಯೇಟಾ)

ರಾಸಾಯನಿಕ ಗೊಬ್ಬರಗಳು

ಸಾರಜನಕ 25 ಕಿ.ಗ್ರಾಂ

ರಂಜಕ 50 ಕಿ.ಗ್ರಾಂ

Water management

ನೀರಾವರಿ :

ಕಡಲೆ ಬೆಳೆಗೆ ಎರಡು ಸಲ ನೀರಾವರಿ ಸಾಕು. ಮೊದಲನೆ ನೀರಾವರಿ ಬಿತ್ತಿದ 45 ದಿವಸಗಳಿಗೆ (ಹೂ ಬಿಡುವಾಗ), ಎರಡನೆ ನೀರಾವರಿ ಬಿತ್ತಿದ 75 ದಿವಸಗಳಿಗೆ (ಕಾಳು ಕಟ್ಟುವಾಗ) ತಪ್ಪದೇ ಕೊಡಬೇಕು.

Weed management

ಅಂತರ ಬೇಸಾಯ : ಎರಡು ಸಾರಿ ಎಡೆಕುಂಟೆ ಹೊಡೆದು, ಕಳೆತೆಗೆಯಬೇಕು.

ಕಳೆ ನಿಯಂತ್ರಣ : ಬಿತ್ತಿದ ದಿನ ಅಥವಾ ಮರುದಿನ ಪ್ರತಿ ಹೆಕ್ಟೇರಿಗೆ 3.3 ಕಿ.ಗ್ರಾಂ ಪೆಂಡಿಮಿಥಲಿನ್‌ ಕಳೆನಾಶಕವನ್ನು 1000 ಲೀ. ನೀರಿನಲ್ಲಿ ಬೆರೆಸಿ ಸಿಂಪಡಿಸುವ್ರದರಿಂದ ಕಳೆಗಳನ್ನು ನಿಂತ್ರಿಸಬಹುದು.

Disease management

ಕ್ರ.ಸಂ.	ರೋಗಗಳು	ಲಕ್ಷಣ ಮತ್ತು ಹಾನಿ	ನಿರ್ವಹಣಾ ಕ್ರಮಗಳು
1	ನೆಟೆ ರೋಗ/ ಸಿಡಿ ರೋಗ/ ಸೊರಗು ರೋಗ	ಎಲೆಗಳು ಹಳದಿಯಾಗಿ, ಬಾಡಿ ಜೋತು ಬಿದ್ದು, ಒಣಗಿ ಉದುರದೆ ಗಿಡಕ್ಕೆ ಅಂಟಿ ಕೊಂಡಿರುತ್ತವೆ. ಗಿಡದ ಬೇರುಗಳು ಕೊಳೆಯದೆ ಆರೋಗ್ಯವಾಗಿರುವಂತೆ ಕಾಣುತ್ತವೆ. ಕಾಂಡವನ್ನು ಉದ್ದವಾಗಿ ಸಿಳಿ ನೋಡಿದಾಗ ನೀರು ಸಾಗಾಣಿಕೆಯ ಅಂಗಾಂಶವ್ರ ಕಡು ಕಪ್ಪಾಗಿರುವದು ನಿಖರವಾಗಿ ಕಂಡು ಬರುತ್ತದೆ. ಈ ರೋಗವ್ರ ಶೇ. 5-30 ರಷ್ಟು ಹಾನಿ ಮಾಡುತ್ತದೆ.	ಪ್ರತಿ ಕಿ.ಗ್ರಾಂ ಬೀಜಕ್ಕೆ 2 ಗ್ರಾಂ ಕ್ಯಾಪ್ಟಾನ್‌ 80 ಡಬ್ಲೂ.ಪಿ. ಅಥವಾ ಥೈರಾಮ್‌ 75 ಡಬ್ಲೂ.ಪಿ ಅಥವಾ ಮೆಂಕೋಜೆಬ್‌ 75 ಡಬ್ಲೂ.ಪಿ ಅಥವಾ 4 ಗ್ರಾಂ ಟ್ರೈಕೊಡರ್ಮಾ ಜೈವಿಕ ಶಿಲೀಂದ್ರದಿಂದ ಬೀಜೋಪಚಾರ ಮಾಡಿ, ರೋಗ ಬಾಧಿತ ಗಿಡಗಳನ್ನು ಆಗಾಗ ಕಿತ್ತು ಸುಡಬೇಕು.
2	ಬೂದಿ ರೋಗ	ಗಿಡದ ಎಲೆಗಳ ಮೇಲ್ಭಾಗವ್ರ ಬೂದಿ ಬಣ್ಣದ ಬಿಳಿ ಹುಡಿಯಿಂದ ಆವೃತವಾಗಿರುವ್ರದು. ಈ ರೋಗವ್ರ ಕಡಿಮೆ ಪ್ರಮಾಣದಲ್ಲಿ ಬರುತ್ತಿದ್ದು, ಪ್ರತಿಶತ 5-10 ರಷ್ಟು ಹಾನಿ ಮಾಡುತ್ತದೆ.	ರೋಗ ಲಕ್ಷಣ ಕಂಡಾಗ 0.5 ಗ್ರಾಂ ಕಾರ್ಬನ್‌ಡೈಜಿಮ್‌ 50 ಡಬ್ಲೂ.ಪಿ. 1 ಲೀಟರ್‌ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು.
3	ಗೊಡ್ಡು ರೋಗ	ರೋಗ ಬಂದ ಗಿಡವ್ರ ಸಣ್ಣ ಎಲೆಗಳನ್ನು ಹೊಂದಿ ಹೂ ಕಾಯಿಗಳಿಲ್ಲದೆ ಗೊಡ್ಡಾಗಿ ಉಳಿಯುವ್ರದು. ಈ ರೋಗವ್ರ ಕಡಿಮೆ ಪ್ರಮಾಣದಲ್ಲಿ ಬರುತ್ತಿದ್ದು, ಪ್ರತಿಶತ 5-10 ರಷ್ಟು ಹಾನಿ ಮಾಡುತ್ತದೆ.	ರೋಗ ಬಂದ ಗಿಡಗಳನ್ನು ಕಿತ್ತು ನಾಶಪಡಿಸಬೇಕು.

Insect pest management

ಕ್ರ.ಸಂ.

ಕೀಟಗಳು

ಲಕ್ಷಣ ಮತ್ತು ಹಾನಿ

ನಿರ್ವಹಣಾ ಕ್ರಮಗಳು

ಕಾಯಿ ಕೊರಕ (ಹೆಲಿಕೋವರ್ಪಾ)

ಪ್ರಾರಂಭಿಕ ಹಂತದಲ್ಲಿ ಕೀಡೆಯು ಎಲೆಯ ಹಸಿರು ಭಾಗವನ್ನು ಕೆರೆದು ತಿನ್ನುತ್ತದೆ. ನಂತರ ಎಲೆ ಮೊಗ್ಗು ಮತ್ತು ಕಾಯಿಗಳನ್ನು ತಿನ್ನುತ್ತದೆ. ಹೆಣ್ಣು ಪತಂಗವ್ರ ತತ್ತಿಗಳನ್ನು ಎಲೆಯ ಮೇಲೆ ಇಡುತ್ತವೆ. ಬಲಿತ ಹುಳುಗಳು ದೇಹದ ಅರ್ಧ ಭಾಗವನ್ನು ಕಾಯಿಯೊಳಗೆ ತೂರಿಸಿ ತಿನ್ನುವ್ರದು ಸಾಮಾನ್ಯ ಮೊಗ್ಗು ಮತ್ತು ಹೂಗಳನ್ನು ಕೊರೆಯುವ್ರದರಿಂದ ಅವ್ರ ಉದುರಿ ಕಾಯಿ ಹಿಡಿಯುವ್ರದು ಕಡಿಮೆಯಾಗುತ್ತದೆ. ಈ ಕೀಡೆಯು ಸರಾಸರಿ ಶೇ. 40 ರಿಂದ 50 ರಷ್ಟು ಹಾನಿ ಮಾಡುತ್ತದೆ. ಬಾಧಿತ ಕಾಯಿಗಳಲ್ಲಿ ರಂಧ್ರವನ್ನು ಕಾಣಬಹುದು.

ಕಾಯಿ ಕೊರೆಯುವ ಹುಳುವಿನ ಹತೋಟಿಗಾಗಿ ಬೆಳೆ ಶೇ. ೫೦ ರಷ್ಟು ಹೂಬಿಟ್ಟಾಗ ಮತ್ತು ಕಾಯಿ ಬಳಿಯುವ ಹಂತದಲ್ಲಿದ್ದಾಗ ಮೀಟರಿಗೆ ಒಂದು ಕೀಡೆ ಅಥವಾ ೧೦ ಗಿಡಗಳಲ್ಲಿ ಒಂದು ಕೀಡೆ ಕಂಡು ಬಂದಾಗ ಈ ಕೆಳಗೆ ಸೂಚಿಸಿದ ಯಾವ್ರದಾದರೊಂದು ಕೀಟನಾಶಕ ಸಿಂಪಡಿಸಬೇಕು.

0.2 ಗ್ರಾಂ ಇಮಾಮೆಕ್ಟಿನ್‌ ಬೆಂಜೊಯೇಟ್‌ 5 ಎಸ್‌.ಜಿ. ಅಥವಾ 0.1 ಮಿ.ಲೀ. ಸ್ಟ್ರೈನೊಸ್ಯಾಡ್‌ ೪೫ ಎಸ್‌.ಸಿ ಅಥವಾ 0.3 ಮಿ.ಲೀ. ಇಂಡಾಕ್ಸಾಕಾರ್ಬ್‌ 14.5 ಎಸ್‌.ಸಿ. ಅಥವಾ ಶೇ. 50 ನೀರಿನಲ್ಲಿ ಕರಗುವ 4 ಗ್ರಾಂ ಕಾರ್ಬಾರಿಲ್‌ ಅಥವಾ 1.0 ಮಿ.ಲೀ. ಮಿಥೈಲ್‌ ಪ್ಯಾರಾಥಿಯಾನ್‌ 50 ಇ.ಸಿ 2 ಮಿ.ಲೀ. ಕ್ವಿನಾಲ್‌ಫಾಸ್‌ 25 ಇ.ಸಿ. ಅಥವಾ 2 ಮಿ.ಲೀ. ಮಿಥೊಮಿಲ್‌ 40% ಎಸ್‌.ಪಿ. ಅಥವಾ 3 ಮಿ.ಲೀ. ಪ್ರೊಪೆನೊಫಾಸ್‌ 50 ಇ.ಸಿ. ಅಥವಾ 1 ಗ್ರಾಂ ಅಸಿಫೇಟ್‌ 75 ಎಸ್‌.ಪಿ. ಅಥವಾ ಬೆಳ್ಳೊಳ್ಳಿ ಮತ್ತು ಹಸಿಮೆಣಸಿನಕಾಯಿ ಕಷಾಯವನ್ನು 20 ಮಿ.ಲೀ. ಪ್ರತಿ ಲೀಟರ್‌ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು ಇದೇ ಹತೋಟಿ ಕ್ರಮಗಳನ್ನು ಹೂ ಬಿಡುವ ಮುಂಚೆ ಈ ಕೀಡೆಯ ಬಾಧೆ ಕಂಡುಬಂದಲ್ಲಿ ತೆಗೆದುಕೊಳ್ಳಬೇಕು. ಕಡಲೆ ಬೆಳೆಯಲ್ಲಿ ಕೀಟ ಭಕ್ಷಕ ಪಕ್ಷಿಗಳನ್ನು ಆಕರ್ಷಿಸಲು, ಬಿತ್ತುವಾಗ ಪ್ರತಿ ಹೆಕ್ಟೇರಿಗೆ 50 ಗ್ರಾಂ ಸೂರ್ಯಕಾಂತಿ ಹಾಗೂ 50 ಗ್ರಾಂ ಜೋಳದ ಬೀಜಗಳನ್ನು ಕೂಡಿಸಿ ಬಿತ್ತಬೇಕು. ನಂತರ ಬೆಳೆಯು ಕಾಳು ಕಟ್ಟುವ ಹಂತದಲ್ಲಿದ್ದಾಗ ಪ್ರತಿ ಹೆಕ್ಟೇರಿಗೆ 25 ಸೇರು ಚುರಿಮುರಿಯನ್ನು (ಮಂಡಕ್ಕಿ/ ಮಂಡಳ) ಹೊಲದ ತುಂಬೆಲ್ಲಾ ಚೆಲ್ಲುವ್ರದರಿಂದ ಪಕ್ಷಿಗಳಿಗೆ ಕೀಡೆಗಳನ್ನು ತಿನ್ನಲು ಪ್ರೋತ್ಸಾಹಿಸಿದಂತೆ ಆಗುತ್ತದೆ.

Yield

ಇಳುವರಿ : ಹೆಕ್ಟೇರಿಗೆ 20-25 ಟನ್‌ ಕ್ವಿಂಟಾಲ್‌

Pulse crop

Package of practice for Urd

Package of practice for Pigeonpea

Package of practices of Bengalgram

Shortcuts

POP

User login

New Releases

agropedia is developed under the sponsorship of ICAR, NAIP